Şahzadə Endryu və Epşteyn cinsi istismarda ittiham olunurdu: Virciniya Giuffrenin şübhəli ölümü

Amerikalı milyarder Cefri Epşteyn 18 yaşından kiçik uşaqlara qarşı zorakılıq və insan alveri ittihamı ilə məhkəməni gözləyərkən həbsxanada intiharda şübhəli bilinərək ölüb.

Virciniya Giuffre Epşteyn davasının simvollarından biri idi. Giuffre Epşteynin onu Britaniya kral ailəsinin üzvü Şahzadə Endryuya satdığını iddia edirdi. Şahzadə Endryu bütün ittihamları rədd etsə də, krallıq vəzifələrindən uzaqlaşdırılmışdı.
 

Sfera.az bildirir ki, Avstraliyada “intihar” olaraq qəbul edilən Virciniya Giuffrenin ölümü bir çox suallar doğurub.
 

Virciniya Giuffre hələ 17 yaşında olarkən Epşteyn vasitəsilə tanış olduğu Şahzadə Endryu tərəfindən zorlandığını iddia edib.
 

Kraliça II Elizabetin üçüncü övladı və ikinci böyük oğlu Şahzadə Endryu bütün ittihamları rədd etsə də, iddia qaldırılmadan əvvəl Virciniya Giuffre ilə açıqlanmayan bir məbləğ qarşılığında razılığa gəlmişdi.
 

Virciniya Giuffrenin şübhəli "intiharı"


Dünya mətbuatında gedən xəbərlərə görə, Virciniya Giuffrenin ailəsi 41 yaşlı qadının intihar etdiyini açıqlayıb.
 

Polisin açıqlamasında, ölümün Ağır Cinayətlər üzrə müfəttişlər tərəfindən araşdırıldığı və ilkin tapıntılar ölümün şübhəli olmadığını göstərdiyi bildirilir.
 

Onun Şahzadə Endryu ilə fotosu ortaya çıxıb.
 

Virciniya Giuffre amerikalı milyarder Epşteyni və onun keçmiş sevgilisi Ghislaine Maxwelli ilk ittiham edənlərdən biri olub.
 

Giuffrenin 2001-ci ildə Londonda Şahzadə Endryu ilə çəkdirdiyi fotoşəkil kral ailəsinin Epşteynlə münasibətlərinin simvolu olub.

Aynil