Bəy və gəlin güclü qasırğadan qorxmayaraq rəqs etdilər - VİDEO

Tennessi ştatından olan cütlük və onların toy fotoqrafı fırtına fonunda çəkilmiş qeyri-adi toy fotolarından sonra sosial media istifadəçilərini valeh edib. Cütlük və fotoqraf sosial media qəhrəmanlarına çevrilirblər.


Sfera.az bildirir ki, Tennessi ştatında toy mərasimini fırtına vurduqda, fotoqraf Peyc Higgins-Miller daha sonra sosial mediada yayılan heyrətamiz fotolar çəkdirmək fürsətindən istifadə edib.
 

Tennessi ştatının Charlotte şəhərində açıq hava mərasimi zamanı gəlin Abigail və bəy Timoti Earles fırtına proqnozlarına və tornado xəbərdarlıqlarına baxmayaraq mərasimi davam etdirmək qərarına gəlibər. Onların toy fotoqrafı, 33 yaşlı Paige Higgins-Miller hər şeyin küləklə başladığını, lakin gəlin koridordan keçən kimi əsl fırtınanı gördüklərini bildirib.
 

Külək gəlinin duvağını qaldıranda və ildırım keşişin səsini boğduqda cütlük içəri keçməyə qərar verib. Lakin mərasimin ortasında qəfil onları yağan leysan yaxalayıb. Higgins-Miller, qaranlıq səmanın, yağışın, çətir altında qaçan qonaqların və xoşbəxt cütlüyün nadir kadrlarını çəkərək, çəkilişlərini davam etdirib.


Timoti Earlesə görə, hər şey mükəmməl vaxtda baş verib:
 

Abigail qurbangaha çatmağı bacarıb və yağışın ilk damcılarından sonra yeni evlənənlər təbəssümlə gizlənməyə qaçıblar. Pis hava şəraitinə baxmayaraq, şənlik içəridə davam edib və bəylə gəlinin özləri də etiraf ediblər ki, fırtınalı toylarını başqasına dəyişməyəcəklər.
 

Paige Higgins-Miller çəkdiyi şəkillərə baxanda dərhal onlara aşiq olub, “İnstagram” və “TikTok”da silsilə fotolar paylaşıb. Paylaşımlardan biri tez bir zamanda viral olub və 5,2 milyondan çox baxış toplayıb.
 

Sosial şəbəkə istifadəçiləri mərasimə valeh olub.


Gəlin Abigail etiraf edib ki, əvvəlcə pis havadan narahat olub. Lakin indi o əmindir ki, buludların və yağışın çəkilişləri onların toylarını həqiqətən unudulmaz edib.

Aysel