Barak Obama həyat yoldaşı Mişel Obamasız ictimaiyyət qarşısına çıxıb.

ABŞ-ın 44-cü prezidenti Mişel Obamasız basketbol (“Los Anceles Klippers”) oyununa qatılıb. Keçmiş ilk cütlük bir neçə ay idi ki, bir yerdə görünmürdülər.

Sfera.az bildirir ki, Obamanın həyat yoldaşı olmadan son ictimaiyyət qarşısına çıxışı Amerika siyasətində ən güclülərdən biri hesab edilən cütlük arasında bir daha boşanma şayiələrinə səbəb olub.

Əvəzində Obama “Clippers”in sahibi Stiv Balmer və həyat yoldaşı Konni Snayderlə görüşərkən görüntülənib. Los-Anceles komandası “Detroit Pistons”u 123-115 hesabı ilə məğlub edib.

Onun iştirakı böyük ekranda elan edildikdə, izdiham onu ayaq üstə alqışlayanda Obama ayağa qalxaraq sevinclə əl edib.

Qeyd edək ki, 63 yaşlı Barak Obama yanvar ayında Mişel Obamanın vəzifədən çəkilməsindən sonra prezident Trampın ikinci andiçmə mərasimində tək iştirak edib.

Mişel Obama həmçinin həyat yoldaşı ilə birlikdə ABŞ-ın 39-cu prezidenti Cimmi Karterin Vaşinqton Milli Katedralində dəfn mərasimində iştirak etməyib. Bunun əvəzinə onun tətil üçün Havayda qalmağa qərar verdiyi bildirilir.

“Clippers” oyunundan bir gecə əvvəl Barak qızları ilə bu dəfə də Mişel Obama olmadan Şerman Oaksdakı restoranların birində şam yeməyində görüntülənib.

Onu da qeyd edək ki, Barak Obama ilə Mişel arasında fikir ayrılığı barədə söz-söhbətlərə baxmayaraq, 14 fevral Sevgililər Günündə hər biri sosial şəbəkələrdə bir-birlərinə sentimental mesajlar yazaraq çox xoşbəxt görünüblər.

“Otuz iki il birlikdəyik və sən hələ də məni heyrətləndirirsən”- deyə keçmiş prezident birlikdə çəkdirdikləri selfini “X” səhifəsində paylaşıb.

"Hər zaman güvənə biləcəyim bir insan varsa, o da sənsən, Barak Obama. Sən mənim söykəndiyim dağsan. Bu həmişə belə olub və olacaq. Sevgililər günün mübarək, əzizim!" — deyə Mişel romantik bir yazı ilə cavab verib.

Aysel

Barak Obama həyat yoldaşından boşanıb?