İstirahət etmək üçün 10 ən gözəl ÖLKƏ - SİYAHI

Bayram, o cümlədən istirahət günlərində insanlar fərqli maraqlara və hava şəraitinə uyğun olaraq bir çox ölkəyə səyahət edə bilərlər.

Bu isə istirahət növünə, qış mənzərələrinə və ya sadəcə isti yerlərə qaçış arzusuna bağlı olaraq dəyişir. Sfera.az istirahət günlərində səyahət edilə biləcək məşhur yerlər barədə məlumatı təqdim edir.

İsveçrə - Xizək sürmək, qar idmanları, qarla örtülmüş dağ mənzərələri sevənlər üçün yaxşı seçimdir.

Cenevrə gölü, Zermatt, St. Moritz kimi məşhur kurortlar qış idman növləri həvəskarları üçün idealdır. İsveçrə həmçinin məşhur Milad bazarları ilə tanınır.

Norveç - Şimal işıqlarını görmək üçün bura səyahət edə bilərsiniz. Tromso və ya Lofoten adaları kimi yerlərdən Şimal işıqlarını seyr etmək mümkündür. Norveç həmçinin qışda unikal qütb mənzərələri və qış fəaliyyətləri - məsələn, qar arabası sürmək və.s də təklif edir.

Avstriya - Milad bazarları və xizək kurortları burada məşhurdur. Belə ki, Vyanada mütəmadi olaraq Milad bazarları və musiqi tədbirləri keçirilir. Alplarda xizək kurortları da Avstriyanın qış dövründə sevilən səyahət nöqtələrindəndir.

Laplandiya, Finlandiya - Burada yerləşən “Santa Claus” kəndi uşaqlı ailələr üçün unikal qış təcrübəsidir. Buz otelləri, qütb maralı turları və qütb işıqları bu bölgədə səyahətçiləri cəlb edir. Bali, İndoneziya - Qışın soyuq günlərində isti iqlimdən zövq almaq üçün insanlar Balini seçirlər. Qızmar günəş, tropik adalar və okean, xüsusilə dəniz tətili istəyənlər üçün idealdır.

Dubay, BƏƏ - Qış aylarında mülayim hava, lüks alış-veriş və təmtəraqlı otelləri ilə cəlbedici olur. Bundan əlavə, qış festival və tədbirləri, xüsusən Yeni İli qeyd etmək üçün insanlar Dubaya üz tuturlar.

İtaliya - Roma, Florensiya və Milan kimi şəhərlər qışda daha sakit və daha mədəni bir tətil arzulayanlar üçün mükəmməldir. Eyni zamanda, Dolomitlərdə xizək imkanları da mövcuddur. Tailand - Dekabr ayında Tailandın iqlimi mülayimdir. Bu isə çimərliklərdə dincəlmək istəyənlər üçün idealdır.

Phuket və Ko Samui kimi adalar yay istisində qaçmaq üçün populyar seçimdir.

Kanada - Burada qışda “Banff” və “Whistler” kimi xizək kurortları məşhurdur. Kanada həmçinin təbii gözəlliklər, buzlaqlar, qarla örtülmüş meşələr və dağ mənzərələri ilə səyahətçiləri cəlb edir.

Yaponiya - Hokkaido adası qış idmanları və qarlı mənzərələri ilə tanınır. Yaponiya qışda da məşhur onsenlər - isti bulaqlar və mədəni festivalları ilə turistlərin diqqətini çəkir.

Günay