Trampdan Ukrayna ilə bağlı vacib AÇIQLAMA: "Mən prezident olsaydım..."

ABŞ-nin yeni seçilmiş prezidenti Donald Tramp bildirib ki, o, prezident olsaydı, Ukraynada münaqişə baş verməzdi.

Sfera.az xəbər verir ki, Donald Tramp siyasətçini ilin adamı elan edən “Time” jurnalına uzun müsahibə verib.

"Bütün bunlarla razı deyiləm, çünki mən prezident olsaydım, bir çox səbəblərə görə bu heç vaxt baş verməməli idi",- siyasətçi bildirib.


Tramp Rusiya ərazisinə hücum etmək üçün uzaqmənzilli raketlərdən istifadə edən Kiyev administrasiyasını da qınayıb. Onun fikrincə, bu cür hərəkətlər münaqişənin sona çatmasına heç bir töhfə vermir, əksinə, vəziyyəti daha da gərginləşdirir.

Respublikaçı qeyd edib ki, onun məqsədi Rusiya və Ukrayna arasında razılaşma əldə etməkdir:

"Mən razılığa gəlmək istəyirəm və razılaşmanın yeganə yolu geri çəkilməməkdir".

“Time” jurnalı Donald Trampı ikinci dəfə “İlin adamı” elan edib, o, ilk dəfə 2016-cı ildə siyasətçinin prezident seçkilərindəki qələbəsindən sonra “İlin adamı” seçilib.

Donald Tramp seçki kampaniyası zamanı dəfələrlə Ukraynadakı münaqişəyə son qoymaq istədiyini bildirib. O, bunu 24 saat ərzində edə biləcəyini də iddia edib. Kremlin sözçüsü Dmitri Peskov Trampın bəyanatını “şişirtmə” adlandırıb .

İnci