Ukrayna Prezidenti Volodimir Zelenski hesab edir ki, hazırkı vəziyyət 2025-ci ildən gec olmayaraq Ukrayna münaqişəsinin bitməsinə gətirib çıxara biləcək addımlar atmağa imkan verir.
 

Sfera.az xəbər verir ki, prezident qarşıdakı aylarda irəliləyiş ola biləcəyini deyib.

"Oktyabr, noyabr və dekabr aylarında bizim sülhə və davamlı sabitliyə doğru irəliləmək imkanımız var. Döyüş meydanındakı vəziyyət bu seçimi - 2025-ci ildən gec olmayaraq müharibəni bitirmək üçün qətiyyətli addımı seçmək imkanı yaradır", - Cənub-Şərqi Avropada keçirilən Ukrayna sammitində Zelenski bildirib.
 

Prezidentin sözlərinə görə, Kiyev bu ilin noyabrına qədər Ukraynada nizamlanma ilə bağlı yeni konfransa təqdim oluna biləcək sənəd hazırlamağı planlaşdırır. Zelenski tədbirin mümkün vaxtını açıqlamayıb.
 

Bundan əvvəl Ukrayna prezidentinin ofisi Ukrayna üzrə noyabrda planlaşdırılan beynəlxalq konfransın baş tutmayacağı barədə məlumat vermişdi.


İnci
Sfera.az