Ramşteyn qrupunun görüşü bu tarixdə BAŞ TUTACAQ

Ramşteyn qrupunun görüşü oktyabrın 17-də Brüsseldə baş tutacaq.

Sfera.az TASS-a istinadən xəbər verir ki, Ukrayna Müdafiə Təmas Qrupunun (Ramşteyn qrupu) daha bir iclası oktyabrın 17-də blokun mənzil-qərargahında NATO müdafiə nazirlərinin iclası çərçivəsində keçiriləcək.

İlkin olaraq oktyabrın 12-də Almaniyada keçirilməsi planlaşdırılan qrupun sammitinin ABŞ Prezidenti Co Baydenin planlarında dəyişikliklərə görə təxirə salındığı təsdiqlənib.

Bildirilib ki, sammit gündəmdə qalır, çünki “ABŞ rəsmi olaraq Kiyevə silah tədarükünü koordinasiya etmək səlahiyyətini NATO-ya təhvil verməlidir.

NATO hələ ki, vəziyyəti rəsmi şəkildə şərh etməyib.

Qeyd edək ki, oktyabrın 8-də ABŞ Prezidenti Co Bayden Almaniya və Anqolaya oktyabrın 10-15-nə planlaşdırılan səfərini Floridaya doğru sürətlə gedən böyük qasırğaya görə təxirə salmaq qərarına gəlib.

Ukrayna Müdafiə Təmas Qrupu sonuncu dəfə sentyabrın 6-da Kiyevin müttəfiqləri Ukraynaya hava hücumundan müdafiə sistemlərinin tədarükü məsələsini xüsusi müzakirəsi üçün görüşüb. 

Rusiya hakimiyyəti də dəfələrlə bildirib ki, Ukraynanı silahla doldurmaq Moskvanın qətiyyətini azaltmayacaq və ya onun xüsusi hərbi əməliyyatının gedişatını dəyişməyəcək.

Firuzə Əliyeva