Çində cəhənnəm çuxurunun dibində qədim bir meşə yerləşir. Yerli mağarada araşdırma aparan bir qrup alim tərəfindən Çin geoparkında yeraltı tapıntı aşkar edilib.
 

Sfera.az bildirir ki, heyrətamiz struktur YUNESKO-nun Leye Fengshan Qlobal Geoparkı kimi təsvir etdiyi yerdə, 200 metr dərinlikdə gizlədilib.
Tədqiqatçılar hesab edirlər ki, bu qədim əkinlər əvvəllər elmə məlum olmayan növləri özündə gizlədə bilər. Bunun doğru olub-olmadığını isə zaman göstərəcək.
 

Qeyd edək ki, bu ərazi YUNESKO tərəfindən əsasən çöküntü kimi təsvir edilib, tərkibində 60%-dən çox karbonat süxurları var, Devon və Perm dövrlərinə aiddir. Bundan əlavə, bu geopark mağaralar sahəsi və dünyanın ən uzun təbii körpüsü kimi də tanınır. Hətta bu da hamısı deyil. İndi bu yer həm də cəhənnəm çuxurunun dərinliklərində yerləşən qədim meşə kimi tanınacaq.


Tədqiqatçılar qeyd edirlər ki, meşələr çox vaxt ərazilərin daxili hissəsində yerləşir və buna görə də bu fenomen Çində “tyankenq” və ya “cənnət çuxurları” kimi də tanınır. Geoloji park Çinin cənub-qərbindəki Çjuanq Muxtar Bölgəsində yerləşir.
 

Tədqiqat Çin Geoloji Xidmətinin Karst Geologiya İnstitutunun alimlər qrupu tərəfindən aparılıb. Alimlər hesab edirlər ki, Yer səthindən 200 metr aşağıda yerləşən bu heyrətamiz məkan hələ elmə məlum olmayan bitki və heyvan növlərinin məskəni ola bilər.


Nəhəng çuxurların özləri Çin üçün təəccüblü bir şey deyil. Çinin Sinxua Dövlət Xəbər Agentliyinin məlumatına görə, yeni kəşf ərazidəki çuxurların sayını 30-a çatdırıb. Tədqiqatın həmmüəllifi və institutun baş mühəndisi Zhang Yuanhainin sözlərinə görə, o və həmkarları yerin altında qorunan ibtidai meşə, üç mağara və bir quyu kəşf edə biliblər.
 

Qeyd edək ki, çuxurun uzunluğu 306 metr, eni 150 metr, dərinliyi isə 192 metrə çatır, həcmi isə 5 milyon kubmetrdən çoxdur. Bu məlumatlar onu rəsmi olaraq böyük bir çuxur kimi təsnif etməyə imkan verir.


Ekspedisiya qrupunun rəhbəri Çen Lixinin dediyinə görə, meşədəki sıx kölgəli bitkilər çiyin uzunluğuna çatır, qədim ağaclar isə demək olar ki, 40 metrə qədər yüksəlir. Tədqiqatçılar qeyd edirlər ki, komanda 100 metrdən çox aşağı enib və çuxurun dibinə çatmaq üçün bir neçə saat piyada gedib.
 

Geoloji parkın landşaftı əhəngdaşı olan karst torpaq parçasıdır. Qeyd edək ki, belə çuxurlar adətən əsas süxurların yeraltı sularla əriməsi nəticəsində əmələ gəlir və ərazidə geniş yayılıb.
 

Tədqiqatçılar qeyd edirlər ki, tapıntı özlüyündə çox unikaldır. Çox güman ki, qədim meşə kifayət qədər işığın nüfuz etməsinə imkan verən çuxurun heyrətamiz forması sayəsində böyüməyi bacarıb.

Aynil
Sfera.az