Rusiya “Taliban”ı terrorçular siyahısından çıxaracaq

Rusiya Xarici İşlər Nazirliyi Talibanın terrorçular siyahısından çıxarılması üçün hüquqi işlərin başa çatdığını açıqlayıb. Bunu Rusiya prezidentinin Əfqanıstan üzrə xüsusi nümayəndəsi Zamir Kabulov deyib.
 

Sfera.az bildirir ki, qərar yüksək səviyyədə qəbul edilib. Amma lazımi hüquqi prosedurlara əməl edilməlidir.
 

Kabulov əlavə edib ki, “Taliban”ın terror təşkilatları siyahısından çıxarılması barədə qərar artıq yuxarı rəhbərlik tərəfindən verilib. Aleksandr Bortnikov da oxşar bəyanatla çıxış edib. Onun sözlərinə görə, Talibanın hərəkətləri Əfqanıstanda asayişin bərqərar edilməsi və sabitliyin qorunmasına yönəlib.
 

Rusiya Xarici İşlər Nazirliyinin mətbuat xidmətindən verilən məlumata görə, tədbirdə əsas səlahiyyətlərini icra edən qonaq qismində Əfqanıstanın xarici işlər naziri Əmir Xan Möttəki iştirak edib.


“Görüş zamanı tərəflər Əfqanıstanın müstəqil, vahid və sülhsevər dövlət kimi qurulmasına dəstəklərini birləşdiriblər, onlar Kabilə terrorla və narkotiklərlə mübarizə sahəsində yardım göstərməyə hazır olduqlarını bildiriblər”- deyə məlumatda bildirilir.
 

Rusiya Talibanı necə terrorçular siyahısından çıxarıb?
 

Mayın 27-də məlum olub ki, Rusiya Xarici İşlər Nazirliyi və Ədliyyə Nazirliyi Vladimir Putinə Taliban hərəkatının terror təşkilatları siyahısından çıxarıla biləcəyi barədə məlumat verib. Bu barədə Rusiya Xarici İşlər Nazirliyinin ikinci Asiya departamentinin direktoru Zamir Kabulov danışıb.


Eyni zamanda, Rusiya prezidenti “Taliban”ın Rusiyanın terror təşkilatları siyahısından çıxarılmasının mümkünlüyü ilə bağlı şərh verməkdən imtina edib.


Xarici işlər naziri Sergey Lavrov “Taliban”ın terrorçular siyahısından çıxarılmasının reallığın dərk edilməsini əks etdirdiyini deyib. O, BMT Təhlükəsizlik Şurasının təşkilatı terrorçu elan etmədiyini, sadəcə Talibandan 12-15 konkret şəxsin terrorçu olduğunu xatırladıb.
 

Qeyd edək ki, “Taliban” ABŞ Dövlət Departamentinin saxladığı terror təşkilatları siyahısında yoxdur. Ekspertlər bunu siyasi məqsədəuyğunluq və Amerika hakimiyyətinin Əfqanıstanın de-fakto hakimiyyəti ilə diplomatik əlaqələri dayandırmaq istəməməsi ilə izah edirlər.


Eyni zamanda, Taliban Qırğızıstan, Tacikistan, Türkiyə və həmçinin də Kanadada terror təşkilatı hesab edilir.
 

Maraqlıdır ki, Rusiya həbsxanalarında hələ də “Taliban”la əlaqəyə görə həbs edilmiş şəxslər var, onların indi azad edilib-edilməyəcəyi məlum deyil.

Aysel

Sfera.az