Finlandiya Çinin verdiyi iki pandanı göndərir
Finlandiya noyabr ayında səkkiz il tamam olmamış iki nəhəng pandanı Çinə qaytaracaq.
Sfera.az bildirir ki, bu vəziyyətdə panda diplomatiyası nəticə verməyib. Lumi və Pyryu adı verilən pandalar çox bahalı qonaqlar olub. Yaşadıqları zooparkın onları saxlamağa imkanı yoxdur.
Pandalar 2018-ci ilin yanvarında Çin lideri Si Cinpinin Skandinaviya ölkəsinə səfərindən və heyvanları qorumaq üçün birgə müqavilə imzaladıqdan sonra gətirilib.
Qeyd edək ki, Çin Xalq Respublikası 1949-cu ildə yarandığı gündən ticarət, beynəlxalq əlaqələri gücləndirmək və beynəlxalq imicini yüksəltmək üçün xaricdəki zooparklara pandalar göndərir. Bütün dünyaya pandaların göndərilməsi hətta “panda diplomatiyası” adlanır. Bu, bir növ Çinin sədaqət nümayiş etdirmə üsuludur. Münasibətləri gərgin olan ölkələr isə panda qəbul etməyiblər.
Finlandiya ilə razılaşmaya əsasən, pandalar ölkədə 15 il qalmağı tələb edirdi. Lakin, pandaların hazırda saxlanıldığı Akhtari Zooparkına görə, pandalar tezliklə Çinə geri göndəriləcək. Bundan əvvəl isə onlar bir aylıq karantində saxlanılacaqlar.
Ahtari sədri Risto Sivonenin sözlərinə görə, özəl şirkət heyvanların yaşadığı obyektə 8 milyon avrodan çox sərmayə qoyub və onların saxlanması üçün Çinə ödənilən konservasiya haqqı da daxil olmaqla illik 1,5 milyon avro xərc çəkib.
Zoopark pandaların ziyarətçiləri cəlb edəcəyinə ümid etsə də, keçən il pandemiya səyahəti məhdudlaşdırdığı üçün borclarının artdığını bildirib.
Zoopark rəsmiləri bildiriblər ki, inflyasiya xərcləri daha da artırıb və Finlandiya hökuməti 2023-cü ildə zooparkın maliyyələşdirmə tələblərini rədd edib.
Sivonenin sözlərinə görə, ümumilikdə heyvanların qaytarılması ilə bağlı danışıqlar üç il davam edib.
"İndi çinlilərin bunun mümkün olduğunu bildirdiyi mərhələyə çatmışıq".
Finlandiya Xarici İşlər Nazirliyinin sözçüsü bildirib ki, pandaların geri qayıtması zooparkın verdiyi biznes qərarıdır və Finlandiya hökumətinə aidiyyatı yoxdur. Bu, iki ölkə arasındakı münasibətlərə təsir göstərməməlidir.
Çinin Helsinkidəki səfirliyinin bəyanatında deyilir ki, Çinin zooparka kömək etmək səylərinə baxmayaraq, iki ölkə sonda pandaların qaytarılması ilə bağlı dostluq məsləhətləşmələrindən sonra birgə qərara gəliblər.
Xatırladaq ki, 2023-cü ildə ABŞ-ın Memfis zooparkından Ya Ya adlı pandanın Çinə qayıtması iki ölkə arasında münasibətlərin soyuduğunu açıq şəkildə göstərmişdi.
Aysel
Sfera.az