Telegram messencerinin yaradıcısı Pavel Durov girov müqabilində azadlığa buraxıldıqdan sonra müvəqqəti olaraq lüks Hotel de Crillon mehmanxanasına daxil olub.
 

Sfera.az xəbər veir ki bu barədə "Le Monde" məlumat yayıb.
 

"Məhkəmə nəzarəti çərçivəsində bir neçə ay Fransada qalmağa məcbur olan Pavel Durov dəbdəbəli Crillon otelində yer tapdı", - qəzet yazıb.
 

Nəşrin mənbələrə istinadən verdiyi məlumata görə, iş adamı azadlığa çıxandan sonra dostu, fransalı milyarder Ksavye Nielin mənzilini kirayəyə götürüb və onun həbsi zamanı onunla əlaqə saxlamasını istəyib.
 

Avqustun 24-də Durov Parisin Le Burje hava limanında saxlanılıb. Fransa hüquq-mühafizə orqanlarının hərəkətləri bir sıra ölkələrdə ictimai qınağa səbəb olub. Telegram-ın təsisçisi 10 ilə qədər həbslə nəticələnə bilən on cinayət və ağır cinayətlərdə şübhəli bilinir.
 

Sahibkar avqustun 28-də 5 milyon avro girov müqabilində sərbəst buraxılıb. İndi Durovun Fransanı tərk etmək hüququ yoxdur və o da həftədə iki dəfə polisə xəbər verməlidir.

İnci