Bu gün Krasnodar diyarının Molkino şəhərində “Vaqner” özəl hərbi şirkətinin keçmiş bazasında yanğın baş verib. 

Sfera.az Rusiya mediasına istinadən xəbər verir ki, bu barədə “Vaqner”lə əlaqəli olan “Wagner Orchestra” teleqram kanalı məlumat yayıb. 

Kanalın məlumatına əsasən, inzibati binalar, o cümlədən keçmiş qərargah binası yanıb. Xəbərdə hadisənin səbəbləri göstərilmir. 

Ehtimallara görə isə yanğın Ukraynanın PUA zərbəsindən sonra baş verib. Çünki bu gün səhər Ukrayna Krasnodar diyarına pilotsuz uçuş aparatları ilə hücum edib. Bu hücumlardan sonra diyarın ərazisinda bir neçə yanğın baş verib.

Vasif