Çinin Quanqyuan Zooparkı insanlar qəfəslərdəki “pandaların” sadəcə boyalı itlər olduğunu başa düşdükdən sonra bağlanmaq məcburiyyətində qalıb. Zooparkdakı iki it dillərini çıxarıb hürməyə başlayanda heyvanxanaya gələnlər pullarını geri tələb ediblər.
 

Sfera.az bildirir ki, zooparkda itləri panda kimi rəngləyiblər. Zoopark nümayəndələri isə onların panda olduğunu heç yerdə qeyd etmədikləri üçün ziyarətçiləri aldatmadıqlarını iddia edirlər.
 

Ziyarətçilərdən birinin çəkdiyi videoda itlərin qara qulaqları və gözlərinin ətrafında tünd halqalar olduğunu görmək olar, lakin onların it kimi davrandıqları aydın görünür.


Reklam broşürlərində müştərilərə nadir və ekzotik heyvanları göstərəcəklərini vəd edən zoopark nümayəndələri bunların panda olduğunu heç yerdə qeyd etmədikləri üçün insanları aldatmadıqlarını iddia edirlər. Ancaq sonradan bədən quruluşu qeyri-müəyyən şəkildə ayıya bənzəyən və Çində çox məşhur olan iki uzun saçlı “chow chow” cinsini boyadıqlarını etiraf etməli olublar.


Maraqlıdır ki, bu, ilk belə hal deyil. Bir müddət əvvəl başqa bir Çin zooparkı potensial ziyarətçilərin diqqətini cəlb etmək üçün eyni sxemdən istifadə edərkən tutulmuşdu. “Panda itlər” adlanan itlər hər gün səhər saat 8-dən axşam saat 5-ə kimi qəfəsə qoyularaq ictimaiyyətə nümayiş etdirilirdi. Aldatmağa bəhanə gətirən qurumun nümayəndəsi isə bunu
 

“Bizim panda ayılarımız yoxdur, ona görə də bu problemi birtəhər həll etməli olduq” - deyə izah edib:
 

Bir çox ziyarətçi zooparkı heyvanlara qarşı qəddarlıqda günahlandırsa da, işçilər boyanın dördayaqlı heyvanlara zərər verməməsində israr edirlər.
 

"İnsanlar saçlarını da boyayırlar, əgər uzun tükləri varsa, təbii boyadan da istifadə edilə bilər"-deyə zoopark sözçüsü bildirib.

Aysel

Sfera.az