Ermənistanın Baş naziri Nikol Paşinyanın Kollektiv Təhlükəsizlik Müqaviləsi Təşkilatından (KTMT) respublikanın suverenliyinə təhdidlə bağlı bəyanatları sağlam düşüncəyə ziddir.
 

Sfera.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova IV Avrasiya Qadınlar Forumu çərçivəsində jurnalistlərə bildirib.

"Onlar sağlam düşüncəyə və reallığa ziddir", - diplomat vurğulayıb.

Zaxarova izah edib ki, əgər Ermənistanın təhlükəsizliyinə KTMT-dən nəsə təhlükə yaranırsa, onun hələ də bu təşkilatda qaldığını deməyin nə mənası var.
 

“Əgər onlar qalsalar, bu o deməkdir ki, bunda hansısa məqsədəuyğunluq görürlər”, - deyə Rusiya Xarici İşlər Nazirliyinin rəsmi nümayəndəsi yekunlaşdırıb.
 

Avqustun sonunda Paşinyan bildirib ki, Ermənistan KTMT-nin bütün qurumlarında iştirakını dondurub. Bir gün əvvəl o, İrəvanın təşkilatda iştirakını dayandırdığını, strukturun onun suverenliyinə və dövlətçiliyinə təhlükə yaratdığına görə izah edib.


İnci
Sfera.az