Amerikalı Cenni Feniks üç illik 350.000 dollarlıq səyahətə çıxmaq üçün demək olar ki, əlində-ovcunda olan hər şeyini satıb. Lakin sonda o, “Villa Vie Odyssey” gəmisini tərk etmək məcburiyyətində qalıb.

Sfera.az bildirir ki, bu tragikomik hadisə qadının WhatsApp messencerində qalan şəxsi mesajlarının sızması səbəbindən baş verib.

68 yaşlı Cenni Feniks, bəzi əşyalarını götürmək üçün kruiz səyahət zamanı Mayamidə dayanmağı planlaşdırmışdı, lakin gəmi təmirində davam edən gecikmələr fonunda o, WhatsApp qrupundakı digər sərnişinlərə təmirin heç vaxt dayanmayacağını bildirib. Qadın iddia edib ki, nəhəng gəmidə nasazlıqların aradan qaldırılması hətta Belfastdan getdikdən sonra da davam edə bilər.

Bu qəzəbli mesajlar səyahət təşkilatçıları tərəfindən də oxunub. Sərnişinə məlumat verilib ki, onun səfəri digər sərnişinlərin əhval-ruhiyyəsinə mənfi təsir göstərən davranışlarına görə ləğv edilir.

"Daimi şikayətləriniz və neqativliyinizlə bağlı sakinlərdən ondan artıq rəsmi şikayətlər almışıq. Bu davranış insanların əhval-ruhiyyəsinə və psixikasına ciddi təsir göstərib. Bunu nəzərə alaraq, sizinlə müqaviləmizi birdəfəlik ləğv etmək məcburiyyətindəyik”-deyə daşıyıcı şirkətin baş əməliyyat direktoru Keti Villalba qadına yazılı şəkildə bildirib.

Feniks bunu oxuyanda məəttəl qalıb:

 “Bunlar şəxsi söhbətlər idi. Həqiqətən də, hər dəfə gecikmə turistlər arasında məyusluğu artırırdı və çoxları mənə bütün qrupun maraqlarını müdafiə etdiyimə görə təşəkkür edirdi”-deyə o bildirib. 

Qeyd edək ki, amerikalı Cenni Feniks 147 ölkədə 425 istiqamətə səyahət etmək üçün may ayında Sauthemptona (Böyük Britaniya) uçub. Lakin ömür boyu xəyalını qurduğu arzusunu reallaşdırnaq heç vaxt ona qismət olmayıb.

Aynil

Sfera.az