Amur vilayətində göyərtəsində üç nəfərin olduğu "Robinson R66" tipli helikopter itkin düşüb, axtarış əməliyyatları davam etdirilir.

Sfera.az xarici KİV-ə istinadən xəbər verir ki, bu barədə Fövqəladə Hallar Nazirliyinin region üzrə Baş İdarəsinin mətbuat xidməti məlumat yayıb.

“Hergu” şirkətinin baş mühəndisinin sözlərinə görə, axtarışlara şirkətdən səkkiz nəfərdən və iki texnikadan ibarət iki qrup cəlb olunub.

"Bu gün Zeyski rayonunda itmiş Robinson helikopterinin axtarışı üçün uçan qrupa Zeya Amur Mülki Müdafiə və Yanğın Təhlükəsizliyi Mərkəzinin xilasediciləri də qoşulub. Axtarışa 20-yə yaxın insan və 7 texnika, o cümlədən bütün relyef texnikası və Mi-8 helikopteri cəlb olunub”, - Fövqəladə Hallar Nazirliyinin məlumatında deyilir.

Firuzə Əliyeva