Fransız texnologiya şirkətləri Fransa Müdafiə İnnovasiyaları Agentliyinin dəstəyi ilə ilkə imza atıb.

“Unseenlabs”ın aşağı orbitli nanopeyki ilə “Cailabs” tərəfindən təmin edilən kommersiya yerüstü stansiyası arasında əlaqə yaratmaq üçün lazerdən istifadə edilib.

Sfera.az bildirir ki, lazer rabitəsi bir neçə dəqiqə ərzində peyklərdən çox böyük faylları, xüsusən də Yerin ətraflı təsvirlərini ötürməyə imkan verir.

Bildirilir ki, lazer faydalı yükü olan peyk yerüstü stansiya ilə bir neçə dəqiqə ərzində sabit əlaqə qurub. “Cailabs”ın baş direktoru Jean-Fransua Morisoura görə, lazerlərin nöqtə-nöqtə xarakteri onları radiotezliklərdən daha təhlükəsiz edir və tıxanması mümkün deyil. Bundan əlavə, lazer rabitəsi bir neçə dəqiqə ərzində Yerin ətraflı təsvirləri kimi çox böyük faylları ötürə bilir.

Qeyd edək ki, bu, kosmosdan Yerə lazer rabitəsinin ilk sınağı olmasa da, bu dəfə ilk dəfə kommersiya üçün mövcud olan yerüstü stansiyadan istifadə edilmişdir. Gələcəkdə kosmik lazer rabitəsinin mobil, quru, dəniz və hava platformalarında istifadə oluna biləcəyi gözlənilir. Fransa Silahlı Qüvvələr Nazirliyi layihənin maliyyələşdirilməsi üçün 5,5 milyon avro ayırıb.

“Cailabs”ın baş direktoru həmçinin qeyd edib ki, qlobal təhlükəsizlik sistemindəki dəyişikliklər fonunda hökumətlər kosmosda üstünlüyün vacib olacağını getdikcə daha çox dərk edirlər. Bundan əlavə, “kosmosa giriş” xərclərinin azalması kosmik iqtisadiyyatı sürətləndirir.

“Kosmik iqtisadiyyat nə qədər çox inkişaf edərsə, bir o qədər çox yeni alətlər peyda olur. O, əslində döyüşlərin getdiyi hər hansı digər sahə ilə eyni sahəyə çevrilir”- deyə şirkətin rəhbəri vurğulayıb.

Portalın məlumatına görə, sınaqda istifadə edilən “Cailabs” stansiyası böyük teleskop və bir neçə kiçik günbəzdən ibarətdir və çətinlik lazer işığının emalındadır. Lazım gələrsə, stansiya yük maşını ölçüsündə edilə bilər.

Xatırladaq ki, “Rafael Advanced Defense Systems” şirkətinin baş direktoru Yoav Turgeman gələn il İsrail Müdafiə Qüvvələrinin Iron Beam Yüksək Enerjili Lazer Silah Sistemini yerləşdirəcəyini açıqlamışdı.

Aysel

Sfera.az

Fransa təhlükəsiz peyk rabitəsi üçün lazerləri sınaqdan keçirdi