1a:T7bd,

Şimali Koreyanın nüvə potensialı davamlı olaraq gücləndiriləcək.

Sfera.az bildirir ki, bunu ölkə lideri Kim Çen In dünən keçirilən bayram tədbirində çıxışı zamanı deyib. O, vəzifəli şəxslərə və əsgərlərə müraciət edib.

Koreya yarımadasını əhatə edən çətinliklərə diqqət çəkən Kim Çen In ABŞ-nin rəhbərlik etdiyi hərbi blokun Şimali Koreyanı təhdid etdiyini vurğulayıb:

“Belə hallar istər-istəməz gələcəkdə daha müxtəlif təhdidlərə səbəb olacaq. Bu hadisələr bizdən daha əhəmiyyətli tədbirlər görməyi, hərbi üstünlüyümüzü qorumaq və artırmaq üçün davamlı səylər göstərməyi tələb edir. Açıq nəticə ondan ibarətdir ki, Şimali Koreyanın nüvə gücü mükəmməlləşdirilməlidir. Biz rəqib nüvə silahına malik dövlətlərin hər hansı təhlükəsinin öhdəsindən gəlmək üçün hərbi qüvvələrimizi, o cümlədən nüvə enerjimizi müharibəyə tam hazır vəziyyətə gətirmək üçün səylərimizi ikiqat artıracağıq”.

Ölkəsinin nüvə silahı istehsal etməyə davam etdiyini açıq şəkildə ifadə edən Kim Çen In fikirlərini bu cür davam etdirib: “Hazırda biz nüvə silahlarının sayını həndəsi şəkildə artırmaqla siyasətimizi mükəmməl şəkildə həyata keçiririk. Daim ciddi nüvə təhlükəsi ilə üzləşirik. Özümüzü müdafiə etmək üçün əldə etdiyimiz nüvə silahları isə heç kimə təhlükə yaratmır. Biz məsuliyyətli dövlətlərdənik”.

Kim Çen In əlavə edib ki, Şimali Koreya ordusunun missiyası daim döyüş qabiliyyətini gücləndirmək və ölkəsinin maraqlarını qorumaqdır.

Günay

4:[["$","script",null,{"type":"application/ld+json","danger

"Nüvə potensialımızı davamlı olaraq gücləndirəcəyik" - Kim Çen In