Hollivud ulduzu Ancelina Coli ötən axşam Toronto Beynəlxalq Film Festivalında “Qansız” filminin qala gecəsində görünüb.
 

Sfera.az bildirir ki, ulduzlarla dolu tədbirdə Ancelina Colini oğlu Paks müşayiət edib.
 

49 yaşlı aktrisa oğlunun qolundan tutaraq sevinclə kameralar qarşısına keçib. Qeyd edək ki, 20 yaşlı Paks iyulun 29-da Los-Ancelesdə keçirdiyi qəzadan sonra ilk dəfə ictimaiyyət arasında görünüb. Alnında qəzadan sonra qalan dəhşətli yara izlərini və qolundakı gipsləri görmək mümkün olub. Paks klassik üslubda geyinib. Uyğun şalvar, qalstuk, laklı ayaqqabı və ağ köynək geyinən gənc, görünüşünü qara gün eynəyi ilə tamamlayıb.


Ancelina tam görünüş tərzini seçib: su pərisi yubka ilə geniş qayışlı qolsuz qara rəngli paltar və uyğun dirsək uzunluğunda əlcəklərlə olan cazibədar görünüşü ulduz hündürdaban ayaqqabı ilə tamamlayıb. O, sarışın saçlarını yumşaq dalğalı düzəldib və parlaq makiyajla, iri gözlərini qara göz layneri və kölgə ilə vurğulayıb.
 

Colinin yeni filminə həsr olunmuş qala tədbirdə aparıcı xanım Salma Hayeki, aktyor Demian Bichir də daxil olmaqla bir çox ulduz iştirak edib. “Qansız” filmində Ancelina Coli həm prodüser, həm də rejissor kimi çıxış edib. Müharibə dramı Alessandro Barikkonun eyniadlı kitabı əsasında çəkilib. Film Toronto Film Festivalında Xüsusi Təqdimatlar bölməsində debüt edib, bəzi aktyor heyəti treylerdə iştirak edib.

Aysel

Sfera.az