Bu il amerikalı aktyor, komediyaçı və ssenarist Dik Van Dayk üçün əla il olub.
 

Sfera.az bildirir ki, 98 yaşlı aktyor “Emmi” Mükafatlarında yaradıcılıq sahəsində tarix yazıb.
 

Məşhur komediya aktyorunun dekabrda 99 yaşı tamam olacaq, lakin sentyabrın 7-də Los-Ancelesin mərkəzindəki Peacock Teatrında o, amerikalı ssenarist Norman Lirin ən yaşlı “Emmi” qalibi kimi rekordunu təkrarlayıb. Onların hər ikisi 98 yaşında qalib olub. Dik, 2023-cü il ad günü üçün xüsusi “Dik Van Dayk”, Görkəmli “Variety” Şousuna görə isə “Emmi” mükafatına layiq görülüb. Mükafatı aldıqdan sonra Van Dayk jurnalistlərə açıqlamasında daim gülüşü ilə yadda qalacağına ümid etdiyini bildirib.


"Ümid edirəm ki, insanları daha 75 il güldürə biləcəyəm. 75 ildir ki, bu işin içindəyəm. Hələ də burada çıxış etdiyimə inana bilmirəm"- deyə o bildirib. Əfsanəvi komediya ustası otağa göz gəzdirərək zarafat da edib: “Kimdə varsa, iş axtarıram”.
 

Gənc aktyorlara nə məsləhət vermək istədiyi ilə bağlı suala aktyor: “Sənətinizin arxasınca getməyə davam edin”-deyə cavab verib.
 

Mükafatı gurultulu alqışlar altında qəbul edən Van Dayk mükafata və səmimi qəbula görə minnətdarlığını bildirib:
 

"Təşəkkür edirəm! Bu xoş qarşılanmanın, bunun nə demək olduğunu sizə sözlərlə izah edə bilmərəm".

Səhnəyə 52 illik həyat yoldaşı Arlen Silver də qatılıb. Qeyd edək ki, həyat yoldaşı haqqında “Emmi” mükafatına layiq görülən xüsusi filmi hazırlayan da məhz odur.


"Bəlkə siz qohumbazlıq olduğunu düşünürsünüz və mən də bunu anlayışla qarşılayıram. Amma bu xanımın özü Dik Van Daykın şəxsi prodüseri olub. O məni daxildən və xaricdən tanıyır, necə işlədiyimi bilir” - deyə aktyor həyat yoldaşı haqqında bildirib.
 

Xatırladaq ki, aktyor cəmi bir neçə ay əvvəl “Həyatımızın Günləri"ndə Görkəmli Qonaq Aktyor nominasiyasında ən yaşlı “Emmi” qalibi kimi tarixə düşüb.

Aysel

Sfera.az