Türkiyə yazda dəniz vasitəsilə ərzaq tədarükü haqqında müqavilələri (Taxıl sazişi-red) bərpa etməyə çalışıb.

Sfera.az apa-ya istinadən xəbər verir ki, bunu Rusiya xarici işlər naziri Sergey Lavrov bildirib. Onun sözlərinə görə, Rusiya buna hazır olub.

Lavrov qeyd edib ki, Qara dənizdə təhlükəsizlik üzrə Türkiyə ilə danışıqlarda Kiyev sənədə atom elektrik stansiyalarının təhlükəsizliyi ilə bağlı bəndin daxil edilməsini təklif edib.

O vurğulayıb ki, Rusiya Ukraynanın atom elektrik stansiyaları ilə bağlı təklifi ilə razılaşmağa hazır olub, lakin sonradan Kiyevin özü bundan imtina edib.