"ABŞ ilə nüvə müharibəsi başlayarsa, Rusiya Amerikanın atış siloslarını məhv edəcək". 

Sfera.az xəbər verir ki, bu fikri ABŞ-nin keçmiş kəşfiyyatçısı Skott Ritter YouTube kanalında Judging Freedom-a müsahibəsində bildirib.

Rusiyanın 10 dəqiqə ərzində ABŞ-yə çata bilən və raket siloslarını məhv edə bilən hipersəs raketlərinə sahib olduğunu vurğulayan Ritter "Birləşmiş Ştatlara nüvə qüvvələrini işə salmazdan əvvəl dağıdıcı zərbə vurulacaq" deyib. Onun sözlərinə görə, amerikalılar cavab verə bilməyəcəklər, çünki onların nüvə qüvvələri çox köhnəlib.

Xatırladaq ki, avqustun 21-də ABŞ Prezidenti Co Baydenin mart ayında ABŞ-nin məxfi nüvə strategiyasını təsdiqlədiyi bildirilib. Bu strategiyada ilk dəfə olaraq Çinin nüvə arsenalları artdıqca onun qarşısını almaq planından, habelə Çin, Rusiyadan və Şimali Koreyadan koordinasiya edilmiş çağırışlara hazırlıq barədə danışılır.

Avqustun 13-də isə dünya mediasında bildirilib ki, Çinin nüvə silahlarının sürətlə modernləşdirilməsi ABŞ-də belə bir arsenalın köhnəlmiş vəziyyətinə diqqəti cəlb edir və bu tip silahlardan istifadənin həddi kimi Vaşinqtonun strategiyasına yenidən baxılmasının zəruriliyi sualını yaradır. 

İnci