Keçmiş hərbçiyə 5 ilə tikdiyi qalanı sökmək əmri verildi - FOTOLAR
43 yaşlı Mayki (Mikey) Allen, travma sonrası stress pozğunluğunun öhdəsindən gəlmək üçün Uelsdə iki mərtəbəli qala tikib. Lakin indi Planlaşdırma şurası binanın sökülməsinə göstəriş verib.
Sfera.az bildirir ki, indi keçmiş hərbçi şəhər şurasını tikdiyi qalanı dağıtmamağa inandırmağa çalışmalıdır. Çünki bu möhtəşəm tikili bir vaxtlar olduğu kimi ora sığınan psixi pozğunluğu olan insanların ziyarət yerinə çevrilib.
Təxminən 10.000 həssas insan qalanın inşasından bəri buranı ziyarət edib. Lakin bu səbəb də qalanın sökülmə əmrini verən planlaşdırıcıları yumşaltmayıb.
Yerli hakimiyyət orqanları Maykinin planlaşdırma qaydalarını pozduğunu bildirir. Onların sözlərinə görə, kənd təsərrüfatı torpaqlarında tikinti aparmaq üçün planlaşdırma icazəsi tələb olunur. Bununla belə, 5 il əvvəl evsiz ikən əkin sahəsində qalanın tikintisinə başlayan 43 yaşlı Mayki öz fikrindən əl çəkmir.
"Biz şuranın irəli sürdüyü bəzi məqamlara artıq etiraz etmişik. İnsanlar şura ilə əlaqə saxlamağa kömək edir. Tutaq ki, onu sökdük. Burada məktəblər, hər cür başqa layihələr, bazar və s. tikilə bilər. Lakin şuranın dəstəyi olmadan hər şey nə vaxtsa daş divara çevriləcək” - deyə Əfqanıstan müharibəsi veteranı bildirib.
2012-ci ildə Kral Uels Ordusunun 2-ci Batalyonu ilə Əfqanıstanda xidmət etdikdən sonra Maykinin psixi sağlamlığı pisləşib. 2015-ci ildə bel zədəsi ilə hərbi xidmətdən ayrıldıqdan sonra posttravmatik stress pozğunluğu yaranıb. Bir ara hətta ölmək üçün intihara cəhd göstərib. Sağ qaldıqdan sonra şahidi olduğu dəhşətlərdən cəmiyyətə və artıq dərk edə bilmədiyi dünyaya inteqrasiya etməkdə çətinlik çəkdiyi üçün 2017-ci ildə vəhşi təbiətdə yaşamağa üz tutub.
O, qalanın indi olduğu yerin yaxınlığında təcrid olunmuş sığınacaq tikməyə, ictimai krandan su içməyə və supermarketdən endirimli qiymətlərlə ən ucuz yeməklər almağa başlayıb. Maykinin daxması 2018-ci ildə “Natural Resources Wales”ə məxsus torpaqda olduğu üçün sökülüb. Lakin yaxınlıqdakı fermanın sahibləri onun təbiət eşqini görərək, gecə qarşısında ocaq qalamaqlıq bir qədər yer olan karavan verib və özlərinə məxsus torpaqlarda istədiyini tikməsinə razılıq veriblər.
Hazırda qalasını tikməyə davam edə bilməsə də, Mayki hələ də ziyarətçiləri qəbul edir. Onların bir çoxu keçmiş hərbi qulluqçular və qadınlar, eləcə də həyatın başqa sahələrində mübarizə aparanlardır. Qala üçün göstərdiyi bütün səylərə baxmayaraq, onu özününkü hesab etmir.
"Bu, mənimkindən daha çox ictimai qaladır. Hər kəsin istədiyi vaxt gələ biləcəyi yerdir. Buraya hər cür insan söhbət etməyə gəlir - yeniyetmələrdən tutmuş 70 yaşdan yuxarı insanlara qədər" - deyə o əlavə edib.
Mayki qalanı sökülməkdən xilas etmək üçün mübarizə aparmaq niyyətindədir. Onun sözlərinə görə çoxları üçün bu, yaşadıqlarından qaçaraq sığınmaq üçün təhlükəsiz bir yerdir.
Aysel
Sfera.az
