FTB Trampa hücumun motivini tapa bilmədi - BƏYANAT
FTB keçmiş ABŞ prezidenti Donald Trampa hücumun motivlərini müəyyən etməyib.
Sfera.az xəbər verir ki, bu barədə TASS büro nümayəndəsinin bəyanatına istinadən məlumat yayıb.
FTB-nin yüksək rütbəli məmuru, "FTB aydın motivi müəyyən etməyib", deyib.
O qeyd edib ki, istintaq davam edir, lakin hələlik şübhəlinin şəriklərinin olmasına dair heç bir sübut əldə edilməyib. Üstəlik, hadisədə xarici dövlətin iştirakını göstərən heç nə yoxdur.
Təhlükəsizlik agentliyinin məlumatına görə, şübhəli şəxs Demokratlar və Respublikaçıların qurultayları, həmçinin ABŞ prezidenti Co Bayden haqqında onlayn məlumat toplayıb. FTB şübhəlinin hansı ideologiyaya bağlı olduğunu dəqiq müəyyənləşdirə bilməyib.
Şübhəlinin qanında spirtli içki və ya narkotik izləri aşkar edilməyib. Şöbə əlavə edib ki, məxfi xidmət snayperi onu məhv edənə qədər şübhəli təxminən altı dəqiqə damda qalıb.
Donald Trampa sui-qəsd iyulun 13-ü axşam saatlarında baş verib. Siyasətçiyə bir neçə dəfə atəş açılıb, bundan sonra o, qulağı qanlı halda səhnədən götürülüb və xəstəxanaya yerləşdirilib. Müalicə aldıqdan sonra Tramp xəstəxanadan buraxılıb. Atıcı məhv edilib və şəxsiyyəti müəyyən olunub. FTB-nin məlumatına görə, o, 20 yaşlı Pensilvaniya əsilli Tomas Metyu Kruksdur.
İnci
sfera.az
