“Telegram”ın yaradıcısı Pavel Durovun həbsindən bir neçə gün sonra Fransa prezidenti Emmanuel Makron hadisəyə münasibət bildirib. O, bu barədə “X” sosial şəbəkəsindəki səhifəsində yazıb.


Sfera.az bildirir ki, Fransa prezidentinin sözlərinə görə, Paris söz azadlığını, innovasiyanı və sahibkarlığı yüksək qiymətləndirir, lakin bu, qanun çərçivəsində baş verməlidir. Makron bildirib ki, bu normalar həmişə tətbiq olunacaq.

Onun sözlərinə görə, Rusiya əsilli iş adamı Pavel Durovun səs-küylü həbsindən sonra Fransa haqqında həqiqətə uyğun olmayan məlumatlarla üzləşib.

 

"Hüquqi dövlətdə vətəndaşların müdafiəsi və onların fundamental hüquqlarına hörmət edilməsi məqsədilə həm sosial şəbəkələrdə, həm də real həyatda azadlıqlar qanun çərçivəsində təmin edilir. Qanunun icrası dövlət orqanlarına - tam müstəqil olan məhkəmə sisteminə həvalə olunur” - Emmanuel Makron yazıb.

Fransa prezidenti əlavə edib ki, Fransada “Telegram” rəhbərinin həbsi davam edən məhkəmə istintaqı çərçivəsində baş verib. Emmanuel Makron bunda heç bir tələ axtarmamağa çağırıb.
 

"Bu, heç bir halda siyasi qərar deyil, hakimlər bu məsələ ilə bağlı qərar qəbul etməlidirlər" - deyə Fransa dövlət başçısı yekunlaşdırıb.
 

Xatırladaq ki, Pavel Durov avqustun 24-də axşam Fransanın Le Burje hava limanında həbs edilib. Durov axtarışda olduğunu bilirdi. Onun Fransaya gəlişinin səbəbləri dəqiq məlum deyil.

Xanm

Sfera.az