Parisdə Olimpiya Oyunlarının bağlanış mərasimində möhtəşəm şəkildə “Stade de Frans” stadionunun damından tullanan 62 yaşlı Hollivud super ulduzu Tom Kruz kaskadyorluğundan narazı qalıb.
 

Sfera.az bildirir ki, hələ şoudan əvvəl film çəkilişlərində təhlükəli kaskadyorların əksəriyyətini ifa etməsi ilə tanınan aktyorun komandası ondan həyatını riskə atmamasını və yaşını nəzərə almasını istəyib.
 

Aktyorun komandası onu həyatını riskə atmamağa çağırsa da, Tom onlara qulaq asmayıb.
 

Olimpiadada tullanmağa hazırlıq 18 ay çəkib. Tom özünü yerə atanda təhlükəsizlik kəməri taxmışdı. Kəmərin olması Kruzun həqiqətən xoşuna gəlməyib. O, təhlükəsizlik kəndirlərinin ona daha yüksək sürətlə tullanmağa imkan vermədiyini iddia edərək, pərdə arxasında rəhbərliklə mübahisə də edib.
 

Aktyorun komandası ciddi şəkildə nə vaxtsa fəndlərdən birinin Tomun əleyhinə çevrilə biləcəyindən narahatdır. Onlar aktyorun ən yaxşı halda ciddi zədə alacağı, ən pis halda isə həyatını itirə biləcəyindən qorxurlar.


"Tom riskləri bilir və ona əhəmiyyət vermir. O, geri çəkilməkdən imtina edir, həqiqətən həyatdan daha böyük olduğuna inanır. İnanmasının bir hissəsi onun bütün zamanların ən böyük aksiyon ulduzlarından biri olmasından irəli gəlir. Lakin Tom artıq 25 yaşında deyil - hətta 35 və ya 45 yaşında deyil”-deyə mənbələr bildirir.


Qeyd edək ki, Kruz uzun müddətdir, ən cəsarətli və riskli aktyorlardan biri kimi şöhrət qazanıb. Binalardan tullanaraq samuray qılıncıyla döyüşməyə və ipsiz dağlara dırmaşmağa qədər o, həmişə öz stuntlarını etməkdə israr ediv. Keçən ay o, qarşıdan gələn “Mission: İmpossible” (“Missiya: Mümkün olmayan”) filmi üçün səhnələr çəkərkən təyyarənin kənarından asılmış vəziyyətdə görünüb.


2010-cu ildə Kruz dördüncü “Missiya: Mümkün olmayan” filmi üçün dünyanın ən hündür binası olan Dubaydakı Bürc Xəlifədən demək olar ki, 830 metr hündürlükdə asılması ilə məşhurlaşıb.

Bununla belə, onun bütün kaskadyorları yolunda getməyib. 2017-ci ildə Londonda “Mission: İmpossible 6” filminin çəkilişləri zamanı binadan səhv tullanma zamanı xəsarət alıb. O, təhlükəsizlik kəməri taxmasına baxmayaraq, binanın kənarına çırpılıb və topuğunu sındırıb.
 

Onu da qeyd edək ki, Parisdəki şoudan sonra Tom “Mission: İmpossible” filminin davamını çəkmək üçün qayıdıb.

Aynil

Sfera.az