Amerikalı gimnast və 2024-cü il Olimpiya çempionu Simone Bilesin həyatı həmişə xoşbəxtlik və valideyn qayğısı ilə dolmayıb.

Sfera.az bildirir ki, Simone Biles 7 qat Olimpiya çempionu və 23 qat dünya çempionudur. 6 yaşı olanda onu ana babası övladlığa götürüb. Anası Şenon Bils onu uzun illər əvvəl tərk edib və indi məşhur qızı ilə barışmağın yollarını axtarır.
 

52 yaşlı Şenon etiraf edib ki, o, 27 il əvvəl etdiyi səhvə görə üzr istəmək üçün ona müraciət edəcəyi günə ümidlə yaşayır. Qadın günahını əhv etdirmək istəyir. O, narkotik aludəçisi olduğu üçün 21 il əvvəl uşaqlarını atıb.
 

"Uşaqlarımdan imtina etmək çətin idi, amma etməli olduğum şeyi etdim. Onlara baxa bilmirdim. Narkotikə başım qarışmışdı. Atam onların həyatından yoxa çıxmağımı və bir daha görünməməyimi istəyirdi" - deyə ana jurnalistlərə izah edib.
 

“Mən şəxsən Simone ilə barışmağı çox istərdim. Onu və kiçik bacısı Adrianı yolunu gözləyirəm. Onlardan məni bağışlamasını və keçmişə görə mühakimə etməmələrini xahiş edərdim. Gəlin irəli baxaq" - deyə ana davam edib.


Anasının dediyinə görə, o, Simonun olimpiyadakı çıxışından çox qürur duyur və bu münasibətlə Ohayodakı evinin həyətində ziyafət də təşkil edib. Dostlar və qonşular ABŞ gimnastika komandasının qələbəsini və Simonenin Paris Olimpiadasında dörd medal qazanaraq qələbəsini qeyd etməyə toplaşıblar. Simone üç qızıl və bir gümüş medal qazansa da, Şenon üçün bu, sevindirici olduğu qədər, kədərli olub.


Qeyd edək ki, Olimpiya çempionunun anası dörd övladını illər əvvəl tərk edib. Onlar əvvəlcə qəyyumluğa verilib. Sonra Simone və onun bacısı Adrianı babaları 75 yaşlı Ronald və həyat yoldaşı Nelli övladlığa götürüblər. O zaman Simonun cəmi altı yaşı olub.


Simone Biles babası Ronald və həyat yoldaşı Nelli ilə

Hazırda 29 və 34 yaşlı digər iki böyük uşaqlar Tevin və Eşli babalarının bacısı Harrietin himayəsində böyüyüblər. Şenon narkotik və alkoqol asılılığına görə valideynlik hüququndan məhrum edilib. Onun ağır cinayətlər və yol hərəkəti qaydalarının pozulmasına görə 36 məhkumluğu var. Simonun bioloji atası, Klivlenddə yaşayan Kevin Klemonsun da qızı ilə əlaqəsi yoxdur. O da keçmişdə narkotik asılılığı problemi ilə mübarizə aparıb.
 

Simonun qardaşı Tevin və bacısı Eşlinin də cinayət keçmişi olub. 2018-ci ildə Tevin, Yeni il şənliyində üç nəfəri güllələməkdə şübhəli bilinərək ittiham edilib, lakin daha sonra sübut olmadığı üçün bəraət alıb. 2019-cu ildə Eşli hücumda günahkar bilinərək həbs cəzası alıb. Yalnız Simone və onun 22 yaşlı bacısı, keçmiş gimnast Adria həyatda düzgün yol seçə biliblər.

Xanım

Sfera.az