"Çoxqütblü dünya nizamı qurmağa hazırıq" - Putin
Rusiya Prezidenti Vladimir Putin ölkəsinin öz tərəfdaşları ilə bərabər və bölünməz təhlükəsizlik sistemi yaratmağa və çoxqütblü dünya nizamı qurmağa hazır olduğunu bəyan edib.
Sfera.az bildirir ki, o, bu barədə Rusiyanın Kubinka şəhərində keçirilən “Armiya-2024” Beynəlxalq Hərbi Texniki Forumunda danışıb. Putin forumun açılış mərasiminə videomüraciət ünvanlayıb.
“Forum müxtəlif ölkələrin ekspertlərinin və media qurumlarının diqqətini cəlb edir. Biz bu maraq və tərəfdaşlıq münasibətlərini yüksək qiymətləndiririk. Bu əlaqələri inkişaf etdirməyə, bərabər və bölünməz təhlükəsizlik sistemi yaratmağa və yeni ədalətli çoxqütblü dünya nizamının qurulması istiqamətində birgə işləməyə hazırıq”, Rusiya lideri bildirib.
O, burada Rusiyanın qabaqcıl hərbi-texniki vasitələrinin nümayiş olunduğunu qeyd edib: “Dünyada bənzəri olmayan bir çox rus silahları döyüş meydanında öz effektivliyini göstərib. Onların əsas xüsusiyyətləri daim təkmilləşdirilir. Mühəndislər, alimlər və işçi qruplar Ukrayna savaşı zamanı əldə edilmiş təcrübəni nəzərə alaraq bu məsələ ilə bağlı işlərini davam etdirirlər”.
Qeyd edək ki, forumda Rusiyanın hərbi sənayesi sahəsində fəaliyyət göstərən yüzlərlə şirkət, Belarus, İran, Hindistan və Çindən 120-yə yaxın xarici şirkət iştirak edir.
Günay
