Bıçaqla silahlanmış 8 aylıq hamilə qadın bankları qarət edib

Polşada 37 yaşlı hamilə qadın ictimaiyyəti şoka salan qalmaqala imza atıb. O, səkkiz aylıq hamilə ikən Kurov və Pilavidəki banklara iki silahlı hücum edib.
 

Sfera.az xəbər verir ki, qadın qənimətini evin təmirinə, xüsusən də tikinti materiallarının alınmasına xərcləyib. Onun həyat yoldaşı cinayətlərindən xəbərsiz olub. Çünki qadın ailəsinə lotereyada qalib gəldiyini bildirib.
 

Birinci hücum 2023-cü il oktyabrın 25-də Kurovda, ikincisi isə noyabrın 10-da Pilavidə baş verib. Hər iki halda silahlı, maskalı qadın maliyyə qurumuna basqın edərək kassaçılardan bıçaqla pul tələb edib. İkinci hücum zamanı hətta o, bıçağı bank işçisinin boğazına dayayıb.
 

İkinci oğurluğun ertəsi günü o, saxlanılıb. Evinin zirzəmisində aparılan axtarış zamanı çamadanda gizlədilmiş 21 min zlot (pul vahidi), cinayətlərdən sonra yandırılmış paltar qalıqları aşkar edilib.


Qadın ilk hücumda oğurladığı pulu evinə tikinti materialları almaq üçün istifadə edib. Dindirmə zamanı o, günahını etiraf edib və müstəqil hərəkət etdiyini, ərinin isə onun “fəaliyyətindən” xəbəri olmadığını bildirib.
 

Məhkəmənin qərarı ilə Anna A. bıçaqlı silahdan (bıçaqdan) istifadə etməklə iki hücumda təqsirli bilinərək, 4 il azadlıqdan məhrum edilib. Bundan əlavə, qadın 34,5 min zlotı qaytarmağa və xəsarət alan bank işçilərindən birinə daha 2 min zlot ödəməyə məcbur edilib.

Aynil

Sfera.az