Almaniyanın xarici işlər naziri Annalena Barbokun (Yaşıllar Partiyası) istefası tələbləri onun departamentinin əməkdaşları tərəfindən “qohumbazlıq” və miqrantlara qeyri-qanuni vizaların verilməsi ilə bağlı nəşrlərdən sonra ortaya çıxıb.

Sfera.az xəbər verir ki, müvafiq tələbləri X sosial şəbəkəsində Almaniya üçün Alternativ (AfD) partiyası irəli sürüb .

"O (Barbok) viza və qohumbazlıq qalmaqalları bataqlığına qərq olur - və hələ də öz vəzifəsində qalır... Biz bunu qısa və aydın şəkildə deyirik: Barbok Almaniya iqtisadiyyat naziri Habek kimi qəbuledilməzdir və dərhal istefa verməlidir." - mesajda deyilib.

İyul ayında “Focus-online” xəbər portalı Almaniya Federal Polisinin Berlin və Kottbus prokurorluqları ilə birlikdə miqrantlara viza verilməsi ilə bağlı Almaniya Xarici İşlər Nazirliyinin əməkdaşlarını araşdırdığını bildirmişdi. Ehtimal olunur ki, Xarici İşlər Nazirliyi səfirlik və konsulluqlara sənədləri natamam və ya açıq-aşkar saxtalaşdırılan əcnəbilərin Almaniyaya buraxılması ilə bağlı göstəriş verib. Onların əksəriyyəti sonradan Almaniyadan sığınacaq istəyib.
 

İnci

Sfera.az