Dünyanın ən çox satılan smartfonunun adı açıqlanıb
“Apple” cihazları qlobal bazarda ən populyar smartfonların 3-cü sırasında yer alıb.
Sfera.az xəbər verir ki, bu barədə "Appleinsider" redaktorları tərəfindən nəzərdən keçirilən "Counterpoint Research" hesabatında məlumat verilib .
2024-cü ilin ikinci rübünün materiallarında deyilir ki, "iPhone 15" bazarda ən populyar telefon olub - qurğu 4,1 faiz pay alıb. İkinci yerdə "iPhone 15 Pro Max", üçüncü yerdə isə "iPhone 15 Pro" olub. Ümumilikdə dörd "Apple" qadceti altıncı yerdə olan "iPhone 14" də daxil olmaqla, reytinqin ilk 10-luğuna daxil olub.
Müqayisə üçün qeyd edək ki, 2023-cü ilin ikinci rübündə "iPhone 14" bazarda ən çox satılan telefon adlandırılıb. Sonra "Apple" cihazları ilk dörd yeri tutub - "iPhone 14", "iPhone 14 Pro Max", "iPhone 14 Pro" və "iPhone 13".
Cari siyahıda ən populyar Android cihazı dördüncü yeri tutan "Samsung Galaxy A15 5G" olub. Ən çox satılan Android flaqmanı doqquzuncu yerdə qərarlaşan "Samsung Galaxy S24 Ultra"dır.
İyulun sonunda "Canalys" mütəxəssisləri Cənubi Koreyanın "Samsung" korporasiyasının 2024-cü ilin ikinci rübündə qlobal smartfon bazarında lider olaraq qaldığını bildiriblər . “Apple” və “Xiaomi” də ilk üçlüyə daxil olublar.
İnci
Sfera.az
