Amerikalı aktyor Ben Afflek onu Cennifer Lopezdən boşanmağa daha da yaxınlaşdıran addım atıb.

Sfera.az bildirir ki, ulduzların dostları Afflek və Lopezin son barışıq cəhdinin də uğursuz olduğunu və boşanma planlarını davam etdirdiklərini deyiblər.



Cütlüyün boşanma sənədləri "tamamlanıb, lakin hələ təqdim edilməyib".

Məlum olub ki, iyulun 24-də, J.Lonun 55 yaşı tamam olan gün Ben “Pacific Palisades”də 20,5 milyon dollara yeni malikanə alıb.

Dostları iddia edirlər ki, aktyorun Cenifferin doğum günündə qəfildən ev alması onun “ürəyinə vurulmuş bıçaq” effekti olub.
 

Ben Afflekin yeni evi

Cütlüyün Beverli Hillsdəki malikanəsi 68 milyon dollara bazara çıxarmasından bir neçə gün sonra Benin yeni ev alması növbəti şaiyələr dalğasına səbəb olub.


Öz növbəsində J.Lo da Nyu-Yorkdakı dörd otaqlı penthausunun satışını 23 milyon dollara tamamlayıb.

"Onlar bir ay əvvəl boşanma sənədlərini yekunlaşdırıblar, lakin doğru vaxtı gözləyirlər"-deyə mənbə bildirib.

Mənbələrə görə, ulduzlar daha sonra bir-birlərini çox sevdiklərindən və evlilik uğrunda necə mübarizə apardıqlarından, lakin evliliyi xilas edə bilmədiklərindən bəhs edən birgə bəyanat yayacaqlar.

"Düzünü desəm, onlar sonda güzəştə gedə bilmədilər. Əvvəlki hisslər bitdi və hər ikisi bunu qəbul etdilər"- başqa bir mənbə əlavə edib.

Aynil
Sfera.az