Pərəstişkarları Madonnanı məhkəməyə verdi - FOTO

Xəbər verdiyimiz kimi dekabrın 13-də Bruklində “Barclays Center”də Madonnanın “Qlobal Celebration Tour” çərçivəsində konserti baş tutmuşdu. 

Sfera.az bildirir ki, konsertə iştirak edən bəzi pərəstişkarları Madonnanı məhkəməyə verib. Onlar tamaşanın biletlərdə göstərildiyi kimi saat 20:30-da deyil, 22:30-da başlamasından şikayətçi olublar.

Pərəstişkarlar həmçinin “Barclays Center” və “Live Nation”ı yalançı reklam, səhlənkar təhrif, ədalətsiz və aldadıcı biznesə görə iddia qaldırıb. 

İddiaçılar qeyd ediblər ki, konsertin saat 22:30-da başlayacağını bilsəydilər, bilet almazdılar. Onlar həmçinin bildiriblər ki, şounun gecə saat 1 radələrində bitmə vaxtı nəqliyyat imkanlarının məhdud olması və planlaşdırdıqları vaxtdan gec qalmağa məcbur olmaları ilə nəticələnib. Bu səbəbdən konsert izləyiciləri narahat olub və mənəvi zərər görüb. 

İddiaçılar etiraf edirlər ki, Madonnanın səhhətində problemlər olub. Keçən il o, həyatı üçün təhlükə yaradan bakterial infeksiyadan əziyyət çəkib. Buna görə də konsert tarixləri iyuldan dekabra dəyişdirilməsi anlaşılandır. Lakin pərəstişkarlar konsert axşam gecikmələrə heç bir bəhanəni səbəb kimi görmürlər.

Madonnanın vəkilləri isə məsələyə qeyri-adi mövqe bildiriblər. Öz növbəsində vəkilləri Madonnanın konsertlərinin xüsusilə gec başlaması ilə tanındığını bildiriblər.

Madonnanın vəkilləri pop Divanın konsertə iki saat gecikməsinə görə iddianın rədd edilməsi barədə vəsatət qaldırıblar. Onlar iddiaçıların konkret olaraq, maddi və ya mənəvi zərərlərinin olmadığını əsas gətiriblər. 

Hüquqşünaslar dələduzluq iddiası üçün kifayət qədər əsas olmadığını bildirirlər. Onlar həmçinin iddia edirlər ki, konsertin gec başlamasının konsert izləyicilərinə, o cümlədən iddiaçılara zərər vurduğuna dair heç bir sübut yoxdur. İddiaçılar konsertdən erkən ayrılmaq əvəzinə bütün şounu izləmək üçün gecə yarısına qədər qalıblar.

"Pərəstişkarlar ödədiklərini tam olaraq geri alıblar: Pop Kraliçadan tammetrajlı, yüksək keyfiyyətli şou" - deyə vəkillər bildirib.

Vəkillər idialarına əlavə olaraq qeyd ediblər ki, konsertdən bir gün sonra Hadden (iddia ilə müraciət edənlərdən biri) “Facebook”da:

"1985-ci ildən bəri Madonnanın konsert turlarını heç vaxt qaçırmadığını" - yazıb.

Buna görə də vəkillərin sözlərinə görə, o, konsertlərinin başlama saatlarından dəqiq xəbərdar olub.

Məhkəmə sənədlərinə görə də, həqiqəyən Hadden “Facebook”da şounu tərifləyib və onu "həmişə olduğu kimi inanılmaz!"-olaraq qiymətləndirib. 

Gecikməyə baxmayaraq, Madonna 45 mahnıdan ibarət çıxış edərək, çox canlı şou göstərib. Sonradan məlum olub ki, gecikmə texniki problemlərə görə olub. Dəstək üçün səhnəyə çıxmalı olan DJ Honey Dijonun saat 20:30-da səhnəyə çıxması ilə konsert cəmi bir saat gecikib.

Qeyd edək ki, bu fanatların Madonnanın konsertinin gec başlaması ilə bağlı ilk belə məhkəmə iddiası deyil. 2019-cu ildə Floridada Mayami çimərliyindəki konsertin gecikməsinə görə pərəstişkarı məhkəməyə müraciət edib.

Aysel

Sfera.az