“Meta” istifadəçilərinin şəxsi mesajlarını “Netflix”ə ötürür - İDDİA

“Facebook”un sahibi “Meta” şirkətinin “Netflix” ilə gizli müqavilə bağlayıb istifadəçilərinin şəxsi mesajlarını görməsinə icazə verdiyi iddia edilib.

Sfera.az “NTV”yə istinadən xəbər verir ki, bu barədə Maksimilian Klein və Sarah Gilbert adlı iki ABŞ vətəndaşı  “Facebook”a qarşı iş qaldırıb.

Onların sözünə görə, təxminən 10 ildir ki , “Meta” “Netflix”ə şəxsi mesajlara giriş icazəsi verir . Netflix müştərilərinə xüsusi məzmun tövsiyə etmək üçün burada əldə etdiyi məlumatlardan istifadə edir.

“Meta” şirkəti isə bütün ittihamları rədd edir. 

Firuzə Əliyeva