Liviya Baş nazirinin iqamətgahına HÜCUM - Güclü partlayış oldu

Liviya Milli Birlik Hökumətinin rəhbəri Abdel Hamid Dbeibanın iqamətgahına hücum edilib.

Sfera.az xəbər verir ki, Baş nazirin evinə hücum qumbaralarla olub.

Hücum nəticəsində xəsarət alanların olmadığı bildirilib. Adı açıqlanmayan nazir hücumun müəyyən ziyana səbəb olduğunu deyib. O, başqa təfərrüatları açıqlamayıb.

Bundan əlavə, iki şahid "Reuters"ə bildirib ki, Tripolidə hökumət başçısının iqamətgahının yerləşdiyi bölgəyə yaxın ərazidə güclü partlayış da baş verib. 

Onlardan birinin sözlərinə görə, partlayış səslərindən sonra təhlükəsizlik qüvvələri ərazinin yaxınlığında fəaliyyətə başlayıb. Hələlik atışma zamanı Baş nazirin iqamətgahda olub-olmadığı və hücumu kimin həyata keçirdiyi açıqlanmayıb.

Dbeibanın başçılıq etdiyi milli birlik hökuməti 2021-ci ilin yazında fəaliyyətə başlayıb.

İnci