Angelina Colinin qızı Bred Pittin yanına köçür
Məşhur Hollivud cütlüyü Ancelina Coli və Bred Pittin 17 yaşlı qızı Şilo Coli-Pitt atasının dəbdəbəli malikanəsinə köçmək qərarına gəlib.
Sfera.az bildirir ki, bu barədə məlumatı ailəyə yaxın şəxslər verib. Bred Pitt qızının qərarına görə çox xoşbəxtdir və onunla yenidən qovuşmağı səbirsizliklə gözləyir. Ancelina Coli isə qızının bu qərarını heç də bəyənməyib.
Mənbə qızın tezliklə 18 yaşı tamam olduqdan sonra atasına qovuşmağı xəyal etdiyini iddia edir. Qız atası ilə birlikdə 8,3 milyon dollar dəyərində olan Los Feliz malikanəsində yaşayacaq.
Onun bu qərarına nəyin səbəb olduğu dəqiq bilinmir, lakin mənbələr bunun qız və ana arasındakı münaqişələrlə heç bir əlaqəsi olmadığını iddia edirlər. Bundan əlavə, uşaqlıqdan Şilohun atanın qızı olması və atasına heyranlıq duyması heç kimə sirr deyil.
Mənbələr qeyd edirlər ki, Bred bu qərardan çox xoşbəxtdir, çünki Coli ilə uzun illər paylaşa bilmədiyi uşaqlara qovuşmaq arzusu nəhayət ki, gerçəkləşib.
Lakin aktrisa qızının qərarından o qədər də məmnun qalmayıb. 8 il idi ki, Ancelina uşaqların qəyyumluğuna görə Bredi məhkəməyə verirdi. Qızları yetkinlik yaşına çatdıqdan sonra könüllü olaraq kimin yanında qalmağa özü qərar verə biləcək.
Qeyd edək ki, Bred Ancelinanın malikəsindən bir neçə məhəllə aralıda yaşayır, ona görə də qız istənilən vaxt anasını, qardaş və bacılarını ziyarət edə bilər.
Xatırladaq ki, Ancelina və Bred 2005-ci ildə görüşməyə başlayıblar. Bir il sonra onların qızı dünyaya gəlib. Dörd il sonra (2010-cu ildə) cütlüyün övladları onları rəsmi olaraq evlənməyə razı salıb. Cütlük Efiopiyadan Zahara, Kambocadan Medox, Vyetnamdan Paks himayəyə götürüb, bioloji övladları isə-qızları Şilo-Nouvel, əkizləri Noks və Viviendir.
11 il evli olan ulduzlar 2016-cı ildə rəsmi olaraq ayrılıblar. Bütün bu müddət ərzində isə onlar arasında övladlarının və əmlaklarının bölünməsi ilə bağlı münaqişələr və məhkəmə prosesləri davam edir.
Aysel
Sfera.az
