Türkiyə əhalisi yaşlanır - STATİSTİKA
Türkiyə Dövlət Statistika Təşkilatının rəqəmlərindən görünür ki, ölkə əhalisi sürətlə yaşlanır.
Sfera.az xəbər verir ki, Türkiyədə “yaşlı” sayılan 65 və yuxarı yaşda olan əhali 2018-ci ildə 7 milyon 186 min 204 nəfər olduğu halda 2023-cü ildə 21,4 faiz artaraq 8 milyon 722 min 806 nəfər olub.
2018-ci ildə 8,8 faiz olan yaşlı əhalinin sayı 2023-cü ildə 10,2 faizə yüksəlib.
Yaşlı əhalinin 44,5 faizini kişilər, 55,5 faizini isə qadınlar təşkil edib.
Türkiyə yaşlı əhalinin sayına görə 184 ölkə arasında 67-ci yerdədir. Yaşlı əhalinin ən çox olduğu ilk üç ölkə müvafiq olaraq 30,1 faizlə Yaponiya, 24,5 faizlə İtaliya və 23,6 faizlə Finlandiya olub.
Türkiyədə yaşlı əhalinin payının ən çox olduğu il (əyalət – red.) 20 faizlə Sinopdur. Sinopu 19,5 faizlə Kastamonu, 18,3 faizlə Giresun izləyib. Yaşlı əhali nisbətinin ən aşağı olduğu illər isə Şırnak (3,5 faiz), Hakkari (4 faiz) və Şanlıurfadır (4,2 faiz).
Araşdırma həmçinin göstərib ki, ölkə üzrə təxminən hər dörd ailədən birində ən azı bir qoca var.
Vasif
