Əfsanəvi Ceki Çanın son fotoları pərəstişkarlarını çaşdırdı - FOTOLAR
69 yaşlı kinoaktyor Ceki Çanın internetdə yeni fotoları yayılıb. Onun boz saçlı fotosu pərəstişkarlarını çaşdırıb.
Sfera.az bildirir ki, Çinin Siçuan şəhərindəki ictimai tədbirdən çəkilmiş fotoda Ceki Çanın xarici görünüşü nəzərəçarpacaq dərəcədə dəyişdiyi üçün tez bir zamanda viral olub.
Aprel ayında əfsanəvi aktyor Ceki Çanın 70 yaşı tamam olacaq. Əksər tamaşaçılar onu gənc bir oğlan kimi xatırlayırlar, buna görə də aktyorun xarici dəyişiklikləri tamaşaçıları olduqca təəccübləndirib.
Xüsusilə, pərəstişkarları əvvəllər arıq olan aktyorun kökəldiyini və nəzərəçarpacaq dərəcədə yaşlandığını fərqinə varıblar. Aktyorun yaşla bağlı dəyişiklikləri xüsusilə ağaran saçlarında nəzərə çarpır.
Aktyorun bu görünüşü tamaşaçılar üçün sürpriz olub, çünki heç vaxt aktyorun yaşına baxmayıb, onu "əbədi gənc” olaraq qəbul ediblər.
“Əgər asiyalısansa, bütün ömrün boyu 30 yaşında görünürsən, 70 yaşına çatanda isə 100 yaşında görünürsən”
“Qocalmalarını istəmədiyim insanlar azdır və Ceki onlardan biridir”
“Doğrudan Ceki Çanın 70 yaşı var? Zaman uçur. Əfsanə".
Qeyd edək ki, dünya şöhrətli aktyorun apreldə 70 yaşı tamam olacaq. Əsl adı Çan Konq-san olan Ceki Çan kino sənayesində mahir kaskadyorluq və komediya istedadı ilə tanınır. Çan dünyaca məşhurlaşmazdan əvvəl Honq-Konqda filmlər üzərində işləyən məhz kaskadyor aktyor kimi fəaliyyətə başlayıb. O, bir çox məşhur filmlərdə, o cümlədən “Polis hekayəsi” serialında, “Dragon Nickle”, “The Professional”da rol alıb. O, xüsusilə 90-cı illərin döyüş filmi həvəskarlarının sevimlisidir.
Aysel
Sfera.az
