Çoxuşaqlı ailə istifadəyə yararsız iki avtobusu evə çevirdi - FOTO
Böyük Britaniyadan olan Entoni Taylor və həyat yoldaşı Emma böyük ailələri üçün münasib qiymətə mənzil tapa bilmədiklərinə görə ikimərtəbəli iki avtobusda yaşamağa qərar veriblər.
Sfera.az bildirir ki, həyat hekayələrini “TikTok”da paylaşan ailə hər kəsin sevgisini qazanıb. Ailə başçısı Entoni avtobusları hər cür şəraitlə təchiz edib, günəş panelləri, isti su və istilik üçün qazan quraşdırıb.
Taylorların beş övladı var. Bundan əlavə, ailə həkimlər tərəfindən serebral iflic diaqnozu qoyulan Entoninin bacısı 35 yaşlı Annaya da baxırlar. Bütün çətinliklərə baxmayaraq, ailə birliyi qoruyub saxlaya bilib və son dərəcə çətin görünən həyat vəziyyətindən çıxış yolu tapıblar.
Cütlüyün bir çox dostları və tanışları avtobusların mənzilə çevrilməsi ideyasını çox cəsarətli addım adlandırsalar da, ailə öz fikrindən dönməyib.
"İnternetdə məni buna görə təhqir edənlər də olur. Bu cür şəraitdə uşaq böyütdüyüm üçün məni axmaq adlandırılıram. Bunu həyat üçün təhlükəli və yararsız bir yer adlandırırlar, lakin başqa çıxış yolumuz yoxdur. Nə bacımı əlillər üçün mərkəzə qoymaq, nə də çoxuşaqlı olduğum üçün peşimanam”-deyə Entoni bildirir.
Adam nəqliyyat vasitələrini hər cür şəraitlə təchiz etməkdə əlavə, xüsusən də salonu əlil arabasından istifadə edən Annanın ehtiyaclarına uyğunlaşdırıb.
Sosial xidmətlər ailəyə xüsusi qayğıya ehtiyacı olan qadının avtobusa asanlıqla minib-düşə bilməsi üçün vanna otağı, liftli xüsusi çarpayı və pandus quraşdırmağa kömək edib.
Cütlüyün köçmək qərarı 2019-cu ildə Antoninin anasının qəfil ölümündən sonra məcburi bir addım olub. Entoni tibb işçisi olub. O, işini atmalı və bacısının yeganə qəyyumuna çevrilməli olub.
Anasından qalan pulu miras alan Entoni pulu avtobusların yenidən qurulmasına sərf etmək qərarına gəlib.
“Hər şey üçün təxminən 35.000 funt sterlinq ödəməli oldum, lakin bu mənə ev kirayələməkdən və ya öz evimi sıfırdan tikməkdən daha ucuz başa gəldi”.
"Avtobusları almasaydım, söküləcəkdilər, amma indi öz evimiz var. Amma əsas odur ki, hamımız bir yerdəyik"- deyə Entoni sevgi ilə paylaşır.
Gələcəkdə Teylorlar uşaqları və Anna üçün Şotlandiya və Disneylendə səyahət etməyi xəyal edirlər.
Aysel
Sfera.az
