Ağciyərlərində deşik əmələ gəldi - Elektron siqaret həvəskarı başqalarına xəbərdarlıq edib
25 yaşlı Cozef Lourens dörd il ərzində hər gün elektron siqaret çəkib. Bu yaxınlarda o, ağciyərindəki ağırlaşmalar səbəbilə xəstəxanaya düşüb.
Sfera.az bildirir ki, indi gənc oğlan başqalarına elektron siqaret (veyp) aludəçiliyinin təhlükələri barədə xəbərdarlıq edir.
Tomoqrafiya gəncin ağciyəri ilə döş qəfəsi arasında sıxışan hava səbəbindən az qala çökdüyünü göstərib. Həkimlər ağciyərlərin düzgün genişlənə bilməməsi səbəbindən təzyiq altında olduğu qənaətinə gəliblər.
O, sosial şəbəkələrində digər siqaret həvəskarlarına siqareti atmaq barədə düşünməyi tövsiyə edib.
"Keçən gün ağciyərimdə bir deşik olduğu aşkarlandı və nəfəs ala bilmədiyim üçün təcili yardım otağına aparıldım"-deyən oğlan əlavə edib ki, xoşbəxtlikdən ölüm təhlükəsi yoxdur.
“Lütfən, özünüzə yaxşı baxın, buna dəyməz”-deyə o xəbərdarlıq edir.
Qeyd edək ki, Britaniyanın Milli Səhiyyə Xidməti elektron siqaretləri tütün məmulatlarından daha təhlükəsiz hesab etsə də, yeni araşdırmalar bu vasitələrin hələ də o qədər təhlükəsiz olmadığını göstərib.
Britaniyada son illər elektron siqaret çəkənlərin sayı artıb (eləcə də ölkəmizdə). Artıq 4,5 milyon insanın elektron siqaretdən istifadə etdiyi bildirilir. Xüsusilə gənc nəsillər -25 yaşdan aşağı gənclərin 15%-dən çoxu müntəzəm olaraq siqaret çəkdiyini deyir.
Ən dəhşətlisi isə, Britaniya Milli Səhiyyə Xidmətinin məlumatına görə, 11-15 yaş arası hər on uşaqdan biri də elektron siqaret çəkir.
Aysel
Sfera.az
