Evli cütlük gənc qadını öldürüb 5 həftəlik körpəni qaçırdı
Xəbər verdiyimiz kimi, Almaniyada 27 yaşlı qaçqın qadın öldürülüb. Qadının körpəsi qaçırılıb, anası isə itkin düşüb.
Sfera.az xəbər verir ki, Almaniyanın hüquq-mühafizə orqanları əməkdaşları itkin düşən körpəni qısa müddətdə tapa biliblər. Qətl və adam oğurluğunda şübhəli bilinən iki Rusiya vətəndaşı saxlanılıb.
Almaniyada yaşayan Rusiyalı cütlüyün eyni anda iki ağır cinayət törətdiyi ehtimal edilir. Cütlüyün uşağı qaçıraraq 27 yaşlı anasını öldürdükləri iddia edilir. Hələ ki, hüquq-mühafizə orqanları əməkdaşları bu versiya üzərində işləyirlər.
Faciənin bir həftədən bir qədər əvvəl Hokkenhaymda (Baden-Vürtemberq - red.) baş verdiyi güman edilir. Bu il martın 7-də cəsədi yoldan keçən biri aşkar edib. Araşdırmalar nəticəsində üzərində zorakılıq əlamətləri olan meyidin 27 yaşlı Marqarita adlı qadın olduğu məlum olub.
Ukraynalı qaçqın qızın 5 həftəlik bir qızı da olub, lakin cinayətkarlar onu qaçırıblar.
Polis fotoşəkillərdən istifadə etməklə, körpəni tez bir zamanda tapıb. Şübhəlilər Rusiyadan olan bir qadın və bir kişi - 43 və 44 yaşlı evli cütlük olub. Onlar həbs edilib.
Maraqlıdır ki, Marqaritanın anasından da heç bir iz qalmayıb. 51 yaşlı qadın da uşağı qaçırmaq üçün rusiyalı cütlük tərəfindən öldürülmüş və ya qaçırılmış ola bilər.
Sonuncu dəfə ailə yaşadıqları şəhərdəki restoranlardan birində görüntülənib. Xarkovlular müharibə səbəbindən Almaniyaya gələrək qaçqınlar üçün yataqxanada yaşayırmış.
Sonuncu dəfə göründükləri gün sosial şəbəkələrdə ailəyə Almaniya sənədlərinin alınmasında öz xidmətlərini təklif edən bir qadınla görüşüblər. Bu qadının qətldə şübhəli bilinərək saxlanılan şəxs olub-olmadığı məlum deyil.
Xanım
Sfera.az
