“iPhone 16 Pro”nun dizayn şəkilləri çıxdı - Kamera üçün yeni açar
“Apple”ın bu ilin sentyabrında ilk dəfə təqdim edəcəyi yeni iPhone 16 seriyasının Pro modelinin render görüntüləri ortaya çıxıb.
Sfera.az bildirir ki, “Apple” yeni iPhone 16 seriyasını bu ilin sentyabr ayında təqdim etməyi hədəfləyir. Təqdimat gününə hələ bir neçə ay qalmasına baxmayaraq, bu, artıq texnologiya gündəminin ən aktual mövzusuna çevrilib.
Şirkətə yaxın olduğu bilinən mənbələr seriyanın "Pro" adlı modelin dizayn şəkillərini açıqlayıb.
Sızdırılan görüntülərə əsasən, qarşıdan gələn cihazın varisi “iPhone 15 Pro” ilə oxşar dizayn xətlərinə sahib olacağını söyləmək olar.
Göstərilən şəkillərə görə, yeni “iPhone 16 Pro”, köhnə modellərdən fərqli olaraq, sağ tərəfdəki güc düyməsinin dərhal altında yerləşən yeni bir düymə ilə gələcək.
Sözügedən düymə kameralarda olan yumşaq çəkim düymələrinə bənzər bir quruluşa sahib olacaq və eyni funksiyanı yerinə yetirəcək.
İddiaya görə, istifadəçilər Pro modelindəki yeni çəkmə düyməsini yüngülcə basaraq kameranı fokuslaya, tam basdıqda isə şəkil çəkə biləcəklər.
“Apple”ın yaxınlaşan flaqmanının şəkilləri də cihazın daha incə çərçivələrə sahib olacağı və təxminən 6,3 düym ölçüsündə olacağı iddialarını təsdiqləyir.
Aysel
Sfera.az
