“Azərbaycan prospektində apardığınız abadlaşdırma işlərini alqışlamağa çalışırıq. Amma binanın divarlarını yumaq üçün istifadə etdiyiniz kimyəvi maddə insan dərisinə düşəndə dəridə yanıq əmələ gətirir”.

Sfera.az bildirir ki, bu sözləri tanınmış dizayner Vəfa İsazadə deyib.

O, Bakı Şəhər İcra Hakimiyyətinə müraciət edib:

“Bayağı lentlərlə dırnaqarası əhatəyə aldığınız yerdən camaatın başına həmin kimyəvi maddə külək vasitəsilə sıçrayır, hətta tökülür. Binanın altında yerləşən aptekə girə bilməyəndə işçilər mənə “gedin başqa aptekdən alın, mütləq bu aptekə girməlisiniz?”, - dedilər. Şəhərin mərkəzi küçələri istifadə etdiyiniz kimyəvi maddənin ləkələri ilə doludur. “Qaş düzəldən yerdə vurub göz çıxarmaq” buna deyirlər”.

Dizayner sözügedən maddələrin insanların səhhətinə zərər vurduğunu iddia edib:

“Həmçinin, orada çalışan işçiləri kimyəvi maddələrdən qoruyan geyimlə təmin etməmisiniz”.

Türkan