Bakı Moskva ilə hərbi əməkdaşlıq edəcək - Bu şərtlə...

Bakı Moskva ilə hərbi əməkdaşlıq edəcək - Bu şərtlə...
"Ərdoğan-Putin görüşündən öncə İlham Əliyevin Rusiya mediasına müsahibə verməsi təsadüfi deyil". 
 
Sfera.az xəbər verir ki, bunu politoloq Asif Nərimanlı deyib. Ekspert rəsmi Bakının bu görüşdən böyük gözləntilərinin olduğunu deyib:

"Bakının baş tutan görüşdən sərhədin delimitasiyası üzrə müqavilə, sülh sazişinin hazırlanması, Qarabağda Rusiyanın təhlükəli addımlarının dayandırılması və s. istiqamətdə gözləntiləri var. Soçi görüşündə bu istiqamətdə ciddi addımların atılacağı mümkündür, xüsusilə Türkiyənin təklif etdiyi "altılıq platforması”nın (beşlik də ola bilər) reallaşması perspektivlərinin aydın göründüyü vaxtda...

İlham Əliyev görüş öncəsi Rusiya mediasında mövqeyini bir daha gündəmə gətirir:

- "Dağlıq Qarabağ” və "status” yoxdur, olmayacaq da;

- Sərhədin delimitasiyası prosesinin də daxil olduğu sülh sazişi imzalanmalıdır;

- Ya Bakının istədiyi sülh olacaq, ya da müharibə dövründə olanlar yenidən təkrarlana bilər;

"Bizi qəzəbləndirməsinlər, qıcıqlandırmasınlar, nə qədər ki, bizim təklifimiz masa üzərindədir, onunla razılaşsınlar. Əks halda, müharibə dövründə olanlar təkrarlana bilər”, - Əliyev açıq danışır.

Müsahibədə əsas məqamlardan biri Azərbaycanın Rusiya ilə hərbi-texniki əməkdaşlığını davam etdirəcəyinə dair Prezidentin dedikləri idi.
"Bizdə bütün istiqamətlər üzrə, o cümlədən hərbi-texniki əməkdaşlıq sahəsində işlər yaxşı gedir. Təbii ki, indi biz yeni araşdırmalara nəzər salırıq, texniki qruplar indi artıq yeni imkanları öyrənirlər, biz bəzi sifarişlər vermişik, ona görə də bu istiqamətdə əməkdaşlıq da inkişaf edəcək”, - İlham Əliyev bildirir".
 
Politoloq rəsmi Bakının Moskva ilə hərbi-texniki əməkdaşlıq edəcəyini diqqətə çatdırıb: 

"Müharibədən sonra Rusiyanı narahat edən, Bakı-Moskva xəttində son dövrlər müşahidə olunan gərginliyin səbəbləri sırasında rus silahları da yer alır: 
Qarabağ məsələsinin bitməsi ilə rusların Cənubi Qafqazda silah bazarı zəiflədi, Azərbaycan ordusunun modernləşməsi prosesində rus istehsalı silahlara üstünlük verilməyəcəyini anladılar. Şoyqunun Moskvada Karapetyana "Ermənistana silah tədarükü başlandı” sözlərinin ünvanı da Azərbaycan idi. Ruslar Bakının silah tədarükündən pay almaq istəyir. Bakı da istəyinə nail olmaq üçün Moskvanın istəyi ilə razılaşır: hərbi-texniki əməkdaşlıq davam edəcək.
Prezidentin bunu Ərdoğan-Putin görüşündən öncə açıqlaması görüşdən istədiyi nəticəni almaq gözləntisindən irəli gəlir".

Əzizə Zeynal
Sfera.az 

Sehliyali
Turan Bank

OXŞAR XƏBƏRLƏR

Prezident Qubadlı ilə bağlı SƏRƏNCAM imzaladı

Prezident İlham Əliyev Şərqi Zəngəzur iqtisadi rayonunda yerləşən Qubadlı şəhərinin Baş planının hazırlanması ilə bağlı tədbirlər haqqında sərəncam imzalayıb. ...

Prezident və birinci xanım Qubadlı rayonunda səfərdə oldular

Azərbaycan Respublikasının Prezidenti İlham Əliyev və birinci xanım Mehriban Əliyeva oktyabrın 25-də Qubadlı rayonunda səfərdə olublar. Sfera.az  xəb...

“Paşinyan istəyir ki, xərci Azərbaycan çəksin” - Moskva görüşündən gözləntilər

Rusiya prezidentinin vasitəçiliyi ilə Azərbaycan Prezidenti İlham Əliyevlə və Ermənistan Baş naziri Nikol Paşinyanın görüşü gözlənilir.   Sfera.az ...

Prezident İlham Əliyev bu tarixdə Türkiyəyə səfər edəcək

"Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan arasında oktyabrın 26-da Qarabağda, noyabrın 12-də isə İstanbulda görüş keçiriləc...

Mehriban Əliyeva Zəngilandan paylaşım etdi

Azərbaycanın Birinci vitse-prezidenti Mehriban Əliyeva Zəngilandan paylaşım edib. Sfera.az xəbər verir ki, Mehriban Əliyeva Azərbaycan Prezidenti İlham Əl...

İrəvan Bakını Moskva-Pekinlə üz-üzə qoymağa çalışıb?

Bəzi qüvvələr hələ də bu üsullar üzərində çalışırlar. Lakin gəlin hər şeyi ardıcıl nəzərdən keçirək. 2021-ci il oktyabrın 11-də thomsonadam.co.uk internet resur...