Azərbaycanda “yaşıl kredit”lər niyə yoxdur? - Açıqlama
14:27 / 04.08.2021
1449
Dünyanın bir çox ölkəsində banklar "yaşıl kredit” məhsullarını
təklif edir. Açıqlanan məlumatlar göstərir ki, "yaşıl kredit”lərə tələb böyükdür
və ildən-ilə bu kreditlərin xüsusi çəkisi yüksəlir. "Yaşıl maliyyə” sahəsində ən
böyük bazar Çindədir.
Çində yaşıl kreditləşmənin həcmi 2,15 trilyon dollara yüksəlib. İllik
müqayisədə "yaşıl kredit”lərin həcmi 26 faizdən çox artıb.
Çində yaşıl kreditlərin 67,3 faizi karbon emissiyalarının
azaldılması ilə bağlı layihələrə yönəldilib.
"Yaşıl kredit”lər bərpaolunan enerji sahələrinə, ətraf
mühitə vurulan zərəri azaltmaq üçün sənaye sektoruna ayrılır. Azərbaycanda son
illərdə yaşıl iqtisadiyyatda inkişaf əlamətləri olsa da hələlik "yaşıl maliyyə”
əlatlərindən istifadəyə rast gəlinmir.
Onun qənaətincə, bunun birinci səbəbi özəl biznesdə "yaşıl
maliyyə”yə tələbin olmamasıdır: "Azərbaycanda yaşıl iqtisadiyyat, bərpa olunan
enerji sahələri ilə dövlət məşğuldur, özəl sektorun bu sahədə fəaliyyəti
müşahidə edilmir. "Yaşıl maliyyə”yə tələbin olması üçün bu sahədə özəl sektorun
fəaliyyəti genişlənməlidir.
Mülkiyyət hüququ, müqavilə öhdəliklərinin icrası təmin
edilməli, sağlam rəqabət mühiti yaradılmalıdır. Bunlar olmadan "yaşıl maliyyə”yə
tələb zəif olacaq”.
Ekspert söylədi ki, "yaşıl kredit”lər uzunmüddətli və
aşağı faizlə verilir. Ə.Həsənov ölkəmizdə fəaliyyət göstərən bankların uzunmüddətli
kreditlərə maraq göstərmədiyini bildirdi: "Normal bazar münasibətləri olmadan
uzunmüddətli biznes layihələri həyata keçirilmir. Azərbaycan iqtisadiyyatında
risk yüksək olduğundan banklar qısamüddətli kreditlərə maraq göstərirlər. Layihələr
uzunmüddətli olduqda "yaşıl kredit”lərə də tələb yaranacaq. O zaman banklar da
real vəziyyəti nəzərə alaraq "yaşıl kredit” məhsullarını təklif edəcəklər.
Vasif
