“Azərbaycan istədiyi zaman havada, quruda və dənizdə...” – Türkiyəli general Yücel Karauzla MÜSAHİBƏ

“Azərbaycan istədiyi zaman havada, quruda və dənizdə...” – Türkiyəli general Yücel Karauzla MÜSAHİBƏ
Türkiyənin ölkəmizdəki keçmiş hərbi attaşesi, briqada generalı Yücel Karauzun Sfera.az-a müsahibəsi.

- Sentyabrın 12-sindən Bakıda Azərbaycan, Türkiyə və Pakistanın xüsusi təyinatlı qüvvələrinin iştirakı ilə "Üç qardaş - 2021” beynəlxalq təlimi keçirilir. Bu təlimləri necə qiymətləndirirsiniz?
 
- Əlbəttə, keçirilən bütün hərbi təlimlərin siyasi, sosial və digər nəticələri olmalıdır. Qeyd edim ki, sözügedən təlim 3 ölkə arasında bu formatda keçirilən ilk hərbi təlimdir. Digər tərəfdən, "Üç qardaş - 2021” beynəlxalq təlimi Azərbaycanın qələbəsi ilə nəticələnən 44 günlük müharibənin ildönümü ərəfəsində keçirilir. Bu mənada "Üç qardaş - 2021” beynəlxalq təliminin keçirilməsi həm də Azərbaycanın düşmənlərinə verilən ciddi bir siyasi mesajdır.
 
İstər Türkiyə, istər Pakistan, istərsə də Azərbaycan inkişaf etməkdə olan və gün-gündən güclənən regional güclərdir. Pakistan dünyanın 9 nüvə silahına sahib tək müsəlman ölkəsidir. Bu 3 ölkənin birlikdə hərbi təlim keçməsi bu mənada olduqca vacibdir.

Bildiyiniz kimi, 44 günlük müharibə sonrası 10 noyabr bəyanatı imzalanıb. Bəyanatı imzalayan tərəflər arasında Ermənistan da var. Rəsmi İrəvan bu mənada 10 noyabr bəyanatının tələblərini qeyd-şərtsiz yerinə yetirməlidir. Digər tərəfdən, Ermənistan Azərbaycana qarşı ərazi iddialarından birmənalı şəkildə imtina edib terrorçu əməllərinə son verməlidir.

Bunu ona görə qeyd edirəm ki, Türkiyə, Pakistan və Azərbaycanın birlikdə hərbi təlim keçməsi fərqli istiqamətlərə yozulmasın. Bu 3 ölkə heç bir ölkənin ərazi bütövlüyünü pozmaq, işğal etmək və s. kimi niyyətləri yoxdur. Ümumiyyətlə bu 3 ölkənin bir araya gəlməsi, hərbi təlimlər keçirməsi, qarşılıqlı əməkdaşlıq, müdafiə sənayesinin inkişafı, hərbi təcrübə mübadiləsi kimi qiymətləndirilə bilər. Əks bir düşüncənin heç bir əsası yoxdur.
 
- Sizcə, gələcəkdə hər 3 ölkədə ortaq qarşılıqlı hərbi bazalar və ya ortaq bir ordu yaradıla bilərmi?

- Bu barədə danışmaq hələ çox tezdir. Hazırda dünyada müharibə konsepsiyası əsaslı surətdə dəyişir. Təbii olaraq, ortaq ordu, ortaq hərbi baza kimi məfhumlar da tədricən öz mahiyyətini itirir. Daha dəqiq desək, bu kimi təşəbbüslər artıq köhnəlib. Baxın, İkinci Qarabağ müharibəsində Türkiyə və Pakistan Azərbaycana həm mənəvi, həm siyasi, həm də hərbi logistik dəstək verdi. Yəni, bu gün bizim danışmalı olduğumuz əsas məsələ 3 ölkə arasında inkişaf edən müdafiə sənayesi hərbi əməkdaşlıq və qarşılıqlı təcrübə mübadiləsidir.
 
Nəzərə almaq lazımdır ki, bu gün həm Türkiyənin, həm Pakistanın, həm də Azərbaycanın maraqları üst-üstə düşüb. Bu, əvvəl də belə idi, bu gün də belədir, sabah da belə olacaq.
 
- Yücel bəy, yeri gəlmişkən Azərbaycan və Türkiyənin region ölkələri tərəfindən ciddi izlənilən hərbi təlimlərindən biri də Xəzər dənizində oldu. Həmin təlimdən bəzi ölkələr narahatlıq ifadə etdi. Xüsusilə İran XİN-in sözçüsü Səid Xətibzadə Türkiyənin Xəzərdə hərbi mövcudluğunu dənizin statusuna görə qanunsuz adlandırıb...

- İranın Türkiyənin Xəzər dənizində Azərbaycanla ortaq hərbi təlimlər keçirməsini bahanə edərək məsələni fərqli məcralara çəkməsinin heç bir mənası yoxdur. Əvvəla, ona görə ki, Türkiyənin Xəzər dənizində hər hansı bir hərbi bazası və ya dəniz gücü yoxdur. Rəsmi Tehran hansı əsasla Xəzərin statusuna dair razılaşmanın pozulduğunu iddia edir?

Hər bir ölkə müstəqildir və öz ərazi bütövlüyü çərçivəsində müstəqil qərarlar vermək səlahiyyətlərinə malikdir. Azərbaycan istədiyi zaman havada, quruda, dənizdə istədiyi ölkə və ya ölkələr ilə hərbi təlim keçirə bilər. Buna heç bir ölkənin müdaxilə etmək səlahiyyəti yoxdur.
 
Xatırlayırsınızsa Türkiyə Prezidenti Rəcəb Tayyib Ərdoğanın Zəfər paradında oxuduğu "Ay Laçın” şeiri də İranda təhdid kimi qarşılanmışdı. İran indi də birgə təlimləri qanunsuz adlandırır.

İran beynəlxalq hüquqdan danışırsa, əvvəla Suriyada və İraqda beynəlxaq hüquqa zidd yerləşdirdiyi əsgərləri barədə danışmalıdır. Digər tərəfdən, rəsmi Tehran həm 1-ci Qarabağ müharibəsi, həm 44 günlük müharibə zamanı, həm də 28 illik işğal müddətində öz torpaqlarından həm Ermənistanın, həm də Qarabağdakı separatçıların istifadə etməsinə icazə verib. Bu da beynəlxalq hüquqa ziddir. Bu mənada İranın beynəlxalq hüquqa istinad etməsi ciddi qarşılana bilməz.
 
Rəsmi Tehran və digər ölkələr anlamalıdır ki, Türkiyənin Xəzər dənizində Azərbaycanla birlikdə hərbi təlimlər keçirməsinin məqsədi iki ölkə arasında hərbi sahədə əməkdaşlıq, təcrübə mübadiləsidir.
 
Söhbətləşdi: Turan Rzayev
 
Sehliyali
Turan Bank

OXŞAR XƏBƏRLƏR

“Soçi görüşünə ümid daha böyükdür, Brüsseldə isə...” - MÜSAHİBƏ

Milli Məclisin deputatı Elman Nəsirovun Sfera.az-a müsahibəsi: - Elman müəllim, noyabrın 26-da Soçidə Rusiya, Azərbaycan və Ermənistan liderləri ...

“YAP üzvlüklə bağlı mənə müraciət etməyib, elə mən də...” – Deputat Arzu Nağıyevlə MÜSAHİBƏ

Azərbaycan Yazıçılar Birliyinin üzvü, "Trend” İnformasiya Agentliyinin baş direktorunun keçmiş müavini, təhlükəsizlik orqanlarının ehtiyatda olan zabiti, depu...

“Sülhməramlılar Şuşa ətrafındakı texnikaya görə izahat verməlidir” – Tofiq Zülfüqarovla MÜSAHİBƏ

Keçmiş xarici işlər naziri, politoloq Tofiq Zülfüqarovun Sfera.az-a müsahibəsi: - Tofiq müəllim, Ermənistanın Baş naziri Nikol Paşinyan parlamentin ötə...

Azərbaycanda 12-15 yaşlı nə qədər yeniyetmə peyvənd olunub? – RƏSMİ

Azərbaycanda peyvənd olunan yeniyetmələrin sayı açıqlanıb. Sfera.az xəbər verir ki, Səhiyyə Nazirliyindən verilən məlumata görə bu gün də daxil olmaqla 36...

“Qarşılıqlı güzəştlər olmalıdır” – Keçmiş XİN rəhbəri Ermənistanın hava məkanımızdan istifadəsi haqda

Xəbər verdiyimiz kimi, ötən gündən "Azərbaycan Hava Yolları” QSC (AZAL) Bakı-Naxçıvan reyslərinin yerinə yetirilməsi üçün Ermənistanın hava məkanından istifad...

“İran əlində zəif kartlar olsa da, “xox” gələn qumarbaza bənzəyir” - MÜSAHİBƏ

Politoloq Qabil Hüseynlinin Sfera.az-a müsahibəsi. - Qabil bəy, İran-Azərbaycan münasibətlərində yaşanan soyuqluq artıq gərginlik sferasına keçir. Döv...