Türkiyəli məşhur müğənni Ferhat Göçer avtomobil qəzası keçirib.

Oxu.Az Türkiyə mediasına istinadla xəbər verir ki, hadisə ötən gün Beyazıt istiqamətində Türkiyə vaxtilə saat 20.40 radələrində baş verib.

Ferhat Göçerin içində olduğu avtomobil qırmızı işıqda gözlədiyi anda, arxadan sürətlə gələn başqa bir maşın onun avtomobilinə çırpılıb.

Hər iki nəqliyyat vasitəsinin sürücüsü və müğənni Ferhat Göçer qəzadan xəsarət almadan xilas olublar.

Polis əməkdaşları tərəfindən qəza ilə əlaqədar istintaq başladılıb.