Sfera.az xarici mediaya istinadən xəbər verir ki, son aparılan tədqiqatlar Hitlerin 1945-ci ildə başına güllə sıxaraq özünü öldürdüyünü təsdiq edir.

Fransız alimlər II Dünya Müharibəsi sırasında Nazi Almaniyasının lideri Adolf Hitlerin 1945-ci ildə öldüyünü təsdiqləyən sübutlar haqda ictimaiyyətə geniş məlumat verib. 

"European Journal of Internal Medicine" dərgisində yayımlanan məlumatda da Hitlerin 1945-ci ildə öldüyü təsdiqini tapıb. 

Rusiyanın paytaxtı Moskovada 2000-ci ildə sərgilənən Hitlerin dişlərinin olduğu çənə sümüyü üzərində araşdırmalar aparan tədqiqatçılar belə qənaətə gəliblər ki, Nazi lideri 1945-ci ildə 30 apreldə ölüb. 

Daha öncə də bununla bağlı müəyyən araşdırmalar aparılsa da, tədqiqatı davam etdirmək üçün sübutdan müəyyən parçaların alınmasına icazə verilməmişdi.

Tədqiqatların nəticəsi kimi dişlərdə ağ izlər aşkarlanıb. Vegeterian olan Hitlerin dişlərində barıt izlərinə rast gəlinməyib. Bu da Hitlerin tapançanı ağzına tutaraq özünü öldürməsi iddiasının üstündən xətt çəkir. 

Tədqiqat zamanı həmçinin, Hitlerin taxma dişlərinin üzərində, diş metalları arasında kimyəvi reaksiyadan yaranan mavi rəngli izlər aşkarlanıb. 

Moskvada arxivdən əldə edilən məlumatlara əsasən Hitlerin kəllə skeletində yaranan dəliyə səbəb güllə olub. 

Beləliklə də, tarixçilər rus əsgərlərinin Berlinə daxil olmağa hazırlaşdığı bir müddətdə Hitlerin yeraltı sığınacağında bir müddət öncə ailə qurduğu Eva Braunla birgə intihar etdiyini təsdiqləyiblər. Məlumata görə daha sonra Hitlerin cəsədi Nazi liderləri tərəfindən yandırılıb, kəllə və alt çənə sümüyü isə Stalinin əmri ilə rus əsgərləri tərəfindən Rusiyaya gətirilib.