Sfera.az xəbər verir ki, "A24.Az" "İllərin o tayı" layihəsini davam etdirir. Layihənin növbəti qonağı Əli Mirəliyevdir.

Heç xatirimdən çıxmır…
Valideynlərim və məni dünyaya tanıdan Gülara Əliyeva xatirimdən çıxmır. Kasıb ailədə böyümüşəm, yatmağa yerimiz yox idi, qaynanam öz həyətində yer verdi, ailə qurdum. Anamın yox, qaynanamın şəklini asmışam otaqdan.

Təəssüf edirəm ki, …

Təəssüf edirəm ki, müğənni oldum. İrad bildirirdilər ki, dilin pəltəkdir, müğənni ola bilməyəcəksən. İndiki müğənnilərə baxıram şükür edirəm ki, o vaxtın müğənnisi olmuşam. Bu günkü gündə müğənnilər tamam başqa şeylərə qulluq edirlər, müğənniliyə yox. Toylar adı ilə qadınlar özlərinə "çerez kravat" sponsor tapırlar, məqsəd də sərvəti olsun, studiyalara pul verib özləri efirlərə çıxarsınlar. Azərbaycan musiqisindən xəbərləri yoxdur. Dırnaqarası xalq artistləri, əməkdar artistlərini görürəm.

Ən böyük günahım…
Vaxtında bəzi insanların fikirlərinə inanadım, gərək inanamayaydım. Bəstəkarlar, şairlər dedilər ara mahnısı oxumursan, isdedadlı müğənni olacaqsan, bu yoldan dönmə. Bu gün efirlər toy olub. Gərək mən də ara mahnıları oxuyaydım. İndi toy mahnısı oxuyan xalq artistidir, amma Azərbaycan musiqisi oxuduğuma görə heç bir adım yoxdur.

Peşimanam ki, …
Peşimanam ona görə ki, efirdə kitab sözləri ilə yox, Bakının yuxarı məhəlləsinin ləhcəsində danışıram. Çalışıram düzəldim, başqa yerdən sual veriləndə hirslənirəm ləhcəylə danışıram yenidən. Oxumağım düzgün olsun, adam var tərbiyəli danışır, tərbiyəsiz oxuyur, tərbiyəsiz danışım, oxumağım tərbiyəli olsun.
İlk sevgilimə demək istəyərdim ki, …
Allah yerini rahat etsin, qalmışam sənsiz burda, darıxıram sənin üçün…
Hazırda səhnədə nələri və kimləri görmək istəməzdim…

90% müğənniləri görmək istəməzdim. Hamısını atasan traktorun qarşısına atasan erməni qəbirstanlığına.
İndiki ağlım onda olsaydı…
Üzlərini dartdıran, sırğa taxan, butulka şalvar geninən kişi müğənnilərini efirdən uzaqlaşdırardım.
İllərin o tayındakı Əli Mirəliyevə demək istərdim ki, Alik, sən həyatını düzgün yaşamısan bu həyatda.