"Bank BTB” nağdsız əməliyyatlara üstünlük verən müştərilər üçün sərfəli şərtlərlə ödəniş kartları təklif edir.

Sfera.az bildirir ki, universal ödəniş vasitəsi kimi günün 24 saatı, həftənin 7 günü istifadə edə biləcəyiniz kartlar sahibinə həm ölkə daxilində, həm də dünyanın istənilən nöqtəsində POS-terminal vasitəsilə və ya onlayn ödəniş etmək imkanı verir.

Ödəniş kartlarının üstünlükləri bununla yekunlaşmır. "Bank BTB”nin ödəniş kartlarının təqdim etdiyi "Card-to-Card", "Cash by code", "SMS Notification", "PIN Change", "3D Secure", "İnternet Banking” və "Mobil Banking” xidmətləri kart sahiblərinin işini daha da asanlaşdıracaq.

"Card-to-card” xidməti vasitəsilə günün istənilən vaxtı bir kart hesabından digər karta pul göndərə və ya qəbul edə bilərsiniz.

"Cash by Code” xidməti ilə qısa müddət ərzində istənilən şəxsə bankomat vasitəsilə pul göndərmək mümkündür. Bunun üçün pul vəsaitini göndərən tərəfin kartının olması kifayətdir. Pul vəsaitini qəbul edən tərəf isə kart olmadan nağd vəsaiti asanlıqla əldə edə bilər.

"SMS Notification" xidməti müştərilərə hesab üzrə əməliyyatlar və son hesab qalığı barədə dərhal "sms” vasitəsilə məlumat əldə etmək imkanı verir. Bu həm hesaba nəzarət etmək, həm də kart başqa şəxs tərəfindən istifadə edildikdə dərhal xəbərdar olmaq üçün əlverişlidir.

"3D Secure" xidməti bank kartı ilə həyata keçirilən ödənişlər zamanı dələduzluq hallarının qarşısını almaqla təhlükəsizliyi təmin edən texnologiyadır.

"PIN Change" xidmətindən istifadə edərək kart sahibləri ödəniş kartının şəxsi eyniləşmə nömrəsini (PIN-kod) daha yadda qalan edə bilərlər. Bunun üçün bankomata yaxınlaşaraq mövcud PIN-koduyeni kodla əvəz etmək lazımdır.

Bundan başqa, "Bank BTB”nin kart sahibləri "Mobil Banking” və "İnternet Banking” xidmətlərini aktivləşdirməklə 24 saat real vaxt rejimində bank əməliyyatlarını asan, operativ və etibarlı şəkildə həyata keçirə bilərlər.

Qeyd edək ki, ödəniş kartı əldə etmək istəyən müştərilər "Bank BTB”nin istənilən filial və şöbəsinə müraciət edə bilərlər.